सामाजिक सञ्जालबाट साथी बनेका एक पुरुषद्वारा यी मोडलको हत्या
प्रकाशित मिति : आश्विन ३०, २०७५ मंगलबार
भारतको मुम्बईमा २० बर्षकी मोडलको हत्या भएको छ । सामाजिक सञ्जालबाट साथी बनेको एक पुरुषलाई हत्याको आरोप लागेको छ । हत्याराले मोडललाई घरमा बोलाएर हत्या गरेको र शवलाई सुटकेसमा राखेर फ्याँकिदिएको भारतीय सञ्चारमाध्यमले जनाएको छ ।
गत बुधबार पुलिसले मुम्बईको मलाडमा सुटकेसको शव भेटेको थियो । मृतकको नाम मानसी दीक्षित रहेको भारतीय प्रहरीले जनाएको छ । मानसीको साथी मुजम्मिल सैयदले कोठामा बोलाएर हत्या गरेका थिए ।
प्रहरीका अनुसार सैयदले मानसीलाई आफ्नो कोठमा बोलाएको र केहि कुरामा झगडा भएर मोडलको हत्या गरेको हो । आरोपी सैयदले हत्या गरेको स्वीकारेका छन् ।