इटालीको नाइट क्लबमा भागदौड मच्चियो, ६ जनाको मृत्यु, १०० घाइते
प्रकाशित मिति : मंसिर २२, २०७५ शनिबार
इटालीको एक नाइट क्लबमा अचानक मच्चिएको भागदौडका कारण ६ जनाको ज्यान गएको छ । १०० जना भन्दा बढी घाइते भएका छन् ।
घाइते मध्ये १० जनाको अवस्था चिन्ताजनक रहेको इटालीका अधिकारीलाई उद्धृत गर्दै अन्तर्राष्ट्रिय सञ्चार माध्यमले जनाएका छन् । इटालीको पूर्वी तटीय शहर एन्कोना नजिकै रहेको नाइट क्लबमा भागदौड मच्चिएको हो ।
कोरिनाल्डोमा रहेको नाइट क्लबमा कसैले पेपर स्प्रे प्रहार गरेपछि भागदौड मच्चिएको केही खबरमा बताइएको छ ।
लान्तेर्ना एजुर्रा नाइट क्लबमा र्यापर स्फेरा एब्बास्ताको कन्सर्ट भइरहेका बेला घटना भएको हो । त्यो बेला क्लबमा झण्डै एक हजार मानिस थिए । घाइतेहरुको स्थानीय अस्पतालमा उपचार भइरहेको छ ।
