अष्ट्रेलियामा वृद्ध माथी हातपात गरेको आरोपमा पक्राउ परेका नेपाली जेल चलान
प्रकाशित मिति : माघ ९, २०७५ बुधबार
अष्ट्रेलियामा वृद्ध माथी हातपात गरेको आरोपमा पक्राउ परेका नेपालीलाई आज जेल चलान गरिएको छ । गत महिना अदालतमा आफ्नो गल्ती स्वीकार्दै पश्चाताप गरेका प्रकाश पौड्याल आज जेल चलान भएका हुन् । प्रकाश अब कम्तिमा चार महिना जेलमा बस्नुपर्नेछ ।
अदालतमा सुनुवाईको क्रममा प्रकाशका वकिलले धेरै काम गरेका कारण चिडचिडयाहट र थकान भएकोले घटना हुन गएको बताएका थिए । प्रकाशलाई सुनाइएको सजाय अनुसार, उनले अब एज्ड केयर क्षेत्रमा काम गर्न पाउने छैनन् ।
घटना गत वर्षको अगस्ट महिनामा बुपा एज्ड केयर सीफोर्थमा घटेको थियो । ती ८२ वर्षीय वृद्धकी छोरीले प्रकाश पौड्यालले आफ्ना बुवालाई पिट्ने गरेको शंका लागेपछि कोठामा लुकाएर क्यामेरा फिट गरेकी थिइन्, जसले गर्दा घटना बाहिर आएको हो । वृद्धलाई जुत्ताले हान्ने, कपडा तान्ने, धक्का दिने गरिरहेको भिडियो बाहिरिएपछि उनी गत सेप्टेम्बरमा पक्राऊ परेका थिए।