९५ बर्षीय पूर्व राष्ट्रपति कार्टर अस्पताल भर्ना
प्रकाशित मिति : कार्तिक २५, २०७६ सोमबार
पूर्व अमेरिकी राष्ट्रपति जिम्मी कार्टर अस्पताल भर्ना हुनुभएको छ । उहाँको मस्तिष्कमा भएको दवाव कम गर्न उहाँलाई अस्पताल भर्ना गरिएको जनाइएको छ । जर्जियाको घरमा लडेपछि भएको रक्तश्रावका कारण उहाँको मस्तिष्कमा दवाव सृजना भएको जनाइएको छ ।
PRESIDENT CARTER ADMITTED TO EMORY UNIVERSITY HOSPITAL – Former U.S. President Jimmy Carter was admitted to Emory University Hospital this evening for a procedure to relieve pressure on his brain, caused by bleeding due to his recent falls. https://t.co/aZPes6NufN
— The Carter Center (@CarterCenter) November 12, 2019
९५ वर्षिय कार्टरको इमोरी युनिभर्सल हस्पिटल जर्जियामा उपचार भइरहेको जनाइएको छ । केही दिन अगाडि पनि आफ्नै घरमा लडेपछि पूर्व अमेरिकी राष्ट्रपति जिम्मी कार्टरलाई अस्पताल भर्ना गरिएको थियो । जर्जियाको आफ्नै घरमा लड्नुभएका कार्टरको हड्डी टुटेको थियो । यसपटक पनि हड्डी टुटेको जनाइएको छ ।
गत महिना ९५ बर्षमा पाइला टेक्नुभएका कार्टर अक्टोबरको पहिलो साता पनि चर्च जानका लागि तयार हुँदै गर्दा लडनुभएको थियो । उहाँलाई त्यतीबेला १४ टाँका लगाउनुपरेको थियो ।
पूर्व राष्ट्रपति कार्टर कलेजो र दिमागको क्यान्सरबाट पीडित हुनुहुन्थ्यो । उहाको क्यान्सर सन् २०१५ मा निको भएको थियो । कार्टर सन् १९७७ देखि १९८१ सम्म अमेरिकाको राष्ट्रपति हुनुभएको थियो ।
पूर्व राष्ट्रपति कार्टर यस उमेरमा पनि कुनै थकाइ महसुस गर्नुहुन्न । उहाँ निरन्तर गरिबी जनताको जीवन उकास्न काम गरिरहनुभएको छ । कार्टर र उहाकी पत्नी रोजलिन अमेरिका, एशिया तथा अफ्रिकाको विभिन्न स्थानमा पुगेर पछिल्लो ३६ वर्षदेखि गरिबका लागि घर बनाउँदै आउनुभएको छ ।
१ अक्टोबर १९२४ सालमा जन्मनुभएका पूर्व राष्ट्रपति कार्टर आजसम्म अमेरिकी इतिहासमा सबैभन्दा बढी उमेरसम्म जीवित हुने राष्ट्रपति हुनुहुन्छ । यस अगाडि जर्ज एचडब्लूबुशको निधन ९४ वर्ष १७१ दिनको उमेरमा भएको थियो ।
