मिस वर्ल्डमा भोटिङ जारी, भियतनामकी सुन्दरीले उछिनिन् अनुस्कालाई
प्रकाशित मिति : मंसिर २१, २०७६ शनिबार
आगामी १४ डिसेम्बरमा हुने मिस वर्ल्ड २०१९ प्रतियोगितामा यस पटक नेपालको प्रतिनिधित्व ‘मिस वर्ल्ड नेपाल २०१९’ अनुस्का श्रेष्ठले गर्दैछिन्। ‘मिस वर्ल्ड’का लागि अहिले भोटिङ चलिरहेको छ ।
अहिलेसम्मको परिणाम अनुशार अनुस्का श्रेष्ठलाई भियतनामकी सुन्दरीले उछिनेकी छिन् । भियतनामकी सुन्दरीले कुल मतको १३ दशमलव ९३ प्रतिशत ल्याएकी छिन् भने अनुस्काले १२ दशमलव ०२ प्रतिशत मत ल्याएकी छिन् ।
१४ डिसेम्बरमा हुने प्रतियोगितामा विश्वभरबाट आएका १ सय २४ सुन्दरीबीच रोचक प्रतिस्पर्धा हुनेछ ।
प्रतियोगितामा भोटिङमा पहिलो स्थानमा पुग्ने प्रतिस्पर्धिले ‘मल्टिमिडिया अवार्ड’ जित्नेछन् । यो अवार्ड जितेपछि सिधै उत्कृष्ट २० मा पुग्न सकिनेछ ।
गत वर्ष ‘मिस वल्र्ड २०१८’ मा नेपालको प्रतिनिधित्व गर्दै श्रृङ्खला खतिवडाले ‘मल्टिमिडिया अवार्ड’ र ‘व्युटी विथ प्रपोज’ उपाधि जितेकी थिइन्।
