सञ्चारकर्मी लम्साललाई भारतमा अवार्ड
प्रकाशित मिति : मंसिर २२, २०७६ आईतबार
काठमाडौं । जातीय विभेद विरुद्ध अभियान चलाइरहेकी सञ्चारकर्मी आरती लम्साललाई भारतमा सम्मान गरिएकाे छ ।
भारतको राजधानी नयाँ दिल्लीमा आयोजित समारोहमा भारतीय एकेडेमीले लम्साललाई डा. अम्बेडकर कलाश्री अवार्डले सम्मान गरेको हो । भारतीय संविधान निर्माता डा. भिमराव अम्बेडकरको नामबाट सो अवार्ड स्थापित भएको हो ।
लम्सालले जातीय विभेद विरूद्ध अन्तरजातीय विवाह गरेकी थिइन् । हाल उनी जातीय विभेद विरूद्ध अभियान समेत चलाइरहेकी छिन् ।
सोही कार्यक्रममा डा. अम्बेडकर एक्सिलेन्सी सर्भिस अवार्डबाट सामाजिक अभियन्ता बिमला गौचन सम्मानित भएकी छन् । समाजसेवी गौचन एकल महिला समूह म्याग्दीकी अध्यक्ष हुन् ।
यसैगरी समाजसेवीहरू सुशीला कट्टेल गैरे र राजकुमार सुनार पनि सम्मानित भएका छन् ।
भारतका केन्द्रीय सामाजिक न्याय मन्त्री एवं राज्य सभा सांसद डा. सत्यनारायण जाटियाले अवार्ड वितरण गरेका थिए ।
भारत, नेपाल लगायत दक्षिण एसियाका सञ्चार, मानव अधिकार, सामाजिक र साहित्यको क्षेत्रमा योगदान पुर्याउने व्यक्तित्वलाई संस्थाले प्रत्येक वर्ष अम्बेडकर अवार्डबाट सम्मान गर्दै आएको बताइएको छ।
