न्युजर्सीमा जब वेट्रेसले पाइन् १२ सय डलर टिप्स
प्रकाशित मिति : मंसिर ३०, २०७६ सोमबार
न्युजर्सीमा एकजना ग्राहकले वेट्रेसलाई १२ सय डलर नगद टिप्स दिएपछि वेट्रेस चकित भएकी छिन् । जेली थोमसहित उनका झण्डै एक दर्जन साथीहरुले शनिबार पेटर्सनको आईहोप रेष्टुरेण्टमा १२ सय डलर टिप्स दिएका थिए ।
जब वेट्रेसले उक्त रकम टिप्सको रुपमा प्राप्त गरिन्, तब उनी चकित हुँदै रकम फिर्ता गर्ने प्रयास गरेकी थिइन् । टिप्स दिने अधिकारकर्मी र शिक्षक समेत रहेका थोमसले अन्जानका लागि समेत राम्रो काम गर्न प्रेरणा मिलोस् भन्ने उद्देश्यले आफूले टिप्स दिएको बताएका छन् ।
क्रिसमसको पूर्व सन्ध्यामा पाएको उक्त उपहारबाट वेट्रेस निकै खुशी समेत भइन् । यति ठूलो रकम होलिडे गिफ्टको रुपमा पाउँदा को खुशी नहोला र ?