युट्युबमा सर्वाधिक कमाउनेहरु : ८ बर्षका रायन काजीले कमाए २६ मिलियन डलर
प्रकाशित मिति : पुस ४, २०७६ शुक्रबार
८ बर्षका बालक रायन काजीले एकबर्षमा युट्युबबाट २६ मिलियन अमेरिकी डलर कमाई गरेका छन् । फोब्र्सका अनुशार उनी युट्युबमा सन् २०१९ मा सर्वाधिक कमाई गर्नेमा पहिलो नम्बरमा आएका छन् ।
रायन वर्ल्ड नामको उनको युट्युब च्यानलमा झण्डै २३ मिलियन सब्सक्राइबरहरु रहेका छन् । उनले युट्युबमा विभिन्न खेलौनाहरुको रिभ्यु गर्छन् ।
उनले गतबर्ष २२ मिलियन डलर कमाएका थिए भने यो बर्ष उनको आम्दानी ६ मिलियन डलरले बढेको छ । काजी अमेरिकाको टेक्सासमा बस्दै आएका छन् ।
त्यस्तै युट्युबबाट सन् २०१९ मा ५ बर्षकी बालिका नास्त्याले १८ मिलियन डलर कमाई गरेकी छिन् । रसियामा जन्मेकी यी बालिकाको युट्युब च्यानलमा पितासँग खेलेका भिडियोहरु पोष्ट गरिएको छ । उनको युट्युबमा १ सय ७ मिलियन सब्सक्राइबर छन् ।
