टाइम्स स्क्वायरमा ब्लुमबर्गको चुनावी हेडक्वार्टर
प्रकाशित मिति : पुस १४, २०७६ सोमबार
अमेरिकी राष्ट्रपतिका लागि डेमोक्रेटिक प्राइमरीका उम्मेदवार माइकल ब्लुमबर्गले न्युयोर्कको टाइम्स स्क्यावरमा आफ्नो चुनावी मुख्यालय खोल्ने भएका छन् । वेष्ट ४३ स्ट्रीटमा रहेको पूरानो न्युयोर्क टाइम्सको कार्यालय रहेको भवनमा ब्लुमबर्गले मुख्यालय बनाउन लागेका हुन् ।
भवनको पहिलोदेखि छैठौं तल्लासम्म अमेरिकी राष्ट्रपति डोनाल्ड ट्रम्पका ज्वाईको सम्पत्ति हो । त्यो भन्दा दुईतल्लामाथि ब्लुमबर्गको आफ्नो चुनावी कार्यालय स्थापना गर्न लागेका हुन् ।
यसैबीच अमेरिकी राष्ट्रपतिमा निर्वाचित भएमा ह्वाइट हाउसको प्रयोग कसरी गर्ने भन्ने सन्दर्भमा पनि योजना अगाडि सारेका छन् । ह्वाइट हाउसको पूर्वको कोठा खुल्ला कार्यालयका रुपमा प्रयोग गर्ने उनले बताएका छन् ।
साथै ओभल अफिसलाई ट्वीट गर्नका लागि नभएर अफिसियल गतिविधिका लागि प्रयोग गर्ने बताएका छन् ।