न्युयोर्कमा हिमपात, तापक्रम माइनस (फोटो फिचर )
प्रकाशित मिति : माघ ४, २०७६ शनिबार
न्युयोर्कमा आज हिमपात भएको छ । हिमपात हुनु अगाडिसम्म न्युयोर्कको तापक्रम माइनस ७ डिग्री सेल्सियससम्म झरेको थियो ।
दिउसो १ बजेदेखि हिमपात सुरु भएकोमा कतिपय स्थानमा राती ८ बजेसम्म हिमपात हुने जनाइएको छ । त्यसपछि बरफ मिसिएको वर्षा हुने अनुमान गरिएको छ ।
शनिवार विहान १० बजेदेखि आइतवार दिउसो १ बजेसम्मका लागि राष्ट्रिय मौषम सेवाले एड्भाइजरी जारी गरेको छ । न्युयोर्क र न्युजर्सीमा २ देखि ५ इन्चसम्म हिमपात हुने भन्दै आज सकभर सार्वजनिक यातायातमा चढ्न सुझाव दिइएको छ ।
सडकहरु चिप्ला भएकाले बाटोमा हिड्दा र गाडी चलाउँदा विशेष सावधानी अपनाउन सुझाव दिइएको छ । शनिबारका लागि न्युयोर्कमा अल्टरनेट साइड पार्किंग नियम खारेज गरिएको छ तर मिटरको नियम भने कायम नै रहनेछ ।
न्युयोर्कमा हिमपात भइरहँदा प्रधानसम्पादक किशोर पन्थीले कोरोनामा खिचेको केही तस्वीर ।