अमेरिकी बास्केटबलका दिग्गज खेलाडी कोबी ब्रायन्टको हेलिकोप्टर दुर्घटनामा निधन
प्रकाशित मिति : माघ १२, २०७६ आईतबार
बास्केटबलका दिग्गज अमेरिकी खेलाडी कोबी ब्रायन्टको हेलिकोप्टर दुर्घटनामा निधन भएको छ । ४१ बर्षका खेलाडी ब्रायन्टको उनकी १३ बर्षकी छोरीसँगै निधन भएको हो । क्यालिफोर्नियामा भएको दुर्घटनामा ९ जनाको निधन भएकोमा ब्रायन्टका बाबुछोरी पनि परेका थिए ।
ब्रायन्टको निधनमा हलिउडका सेलिब्रेटीहरुदेखि नेताहरुसम्मले दुख व्यक्त गरेका छन् । अमेरिकामा रहेका नेपालीहरुले पनि ब्रायन्टको निधनबाट आफूहरु स्तब्ध भएको बताएका छन् ।
Kobe was a legend on the court and just getting started in what would have been just as meaningful a second act. To lose Gianna is even more heartbreaking to us as parents. Michelle and I send love and prayers to Vanessa and the entire Bryant family on an unthinkable day.
— Barack Obama (@BarackObama) January 26, 2020
पूर्व अमेरिकी राष्ट्रपति बिल क्लिन्टन र पूर्व विदेशमन्त्री हिलारी क्लिन्टनले पनि ब्रायन्टको निधनमा दुख व्यक्त गरेका छन् । त्यस्तै सिनेटर एमी क्लोबुचार, मेयर पिट बुटाजज, पूर्व अमेरिकी उपराष्ट्रपति जो बाइडेन लगायतले पनि ब्रायन्टको निधनप्रति दुख व्यक्त गरेका छन् ।
Double Olympic gold medallist Kobe Bryant has passed away in a helicopter crash ? Rest In Peace #KobeBryant You will always stay in our hearts pic.twitter.com/0EqrifwXDO
— Olympics (@Olympics) January 26, 2020
पूर्व अमेरिकी राष्ट्रपति बराक ओबामादेखि सेलिब्रेटी जस्टिन बिबरसम्मले बायन्टको निधनप्रति दुख व्यक्त गरेका छन् । खेलसँग सम्बन्धित विभिन्न संघसंस्था र क्लबहरुले पनि दुख व्यक्त गर्दै समवेदना व्यक्त गरेका छन् ।