न्युयोर्कको ब्रोंक्समा ड्युटीमा रहेका प्रहरी अधिकारीमाथि गोली प्रहार
प्रकाशित मिति : माघ २५, २०७६ शनिबार
न्युयोर्कको ब्रोंक्समा ड्युटीमा रहेका प्रहरी अधिकारीमाथि गोली प्रहार भएको छ । घटना शनिबार राती साढे ८ बजेको समयमा भएको हो ।
गस्तीको भ्यानमा बसिरहेका बखत उनीमाथि गोली प्रहार भएको हो । घाइते प्रहरीलाई तत्कालै उपचारका लागि अस्पताल लगिएको छ ।
हन्टस प्वाइन्ट नजिकै इस्ट १६३ स्ट्रीट र फक्स स्ट्रीटमा घटना भएको हो । प्रहरीको चिउडो र घाँटीमा चोट लागेको छ ।
प्रहरीहरु भ्यानमा बसेको बेलामा एकजना व्यक्ति नजिकै आएर लोकेशन सोधेको र बन्दुक झिकेर गोली हानेको जनाइएको छ ।
केही राउण्ड गोली हानेपछि उक्त व्यक्ति पैदल नै भागेको जनाइएको छ ।
घटनालगत्तै साथमा रहेका अर्का प्रहरी अधिकारीले घाइतेले अस्पताल लगेका थिए । घटनालगत्तै उक्त स्थानमा दुईवटा हेलिकप्टरले फन्को मारेका छन् ।