पुरै शहर क्वारेन्टाइनमा राख्ने निर्णय !
प्रकाशित मिति : फाल्गुन २३, २०७६ शुक्रबार
सात जनामा कोरोनाभाइरस सङ्क्रमण देखिएपछि इजरेल तथा प्यालेस्टाइन प्रशासनले बेथ्लिहम नगरलाई क्वारन्टीनमा राख्ने निर्णय गरेको बिबिसीले जनाएको छ ।
शुक्रवार रातिदेखि न प्यालेस्टिनी न त इजरेलीहरू उक्त सहर छाड्न वा त्यहाँ आउन पाउनेछन्। यो निर्णय अर्को सूचना जारी नभएसम्मका लागि लागु हुनेछ।इजरेली रक्षामन्त्रीले प्यालेस्टिनी अधिकारीहरूसँगको समन्वयमा त्यसलाई कार्यान्वयन गर्न इजरेली सेनालाई आदेश दिएका छन्।
यसअघि बेथ्लिहेमस्थित एउटा गिर्जाघर बन्द गरिएको थियो। प्यालेस्टिनी राष्ट्रपति मोहम्मद अब्बासले कोरोनाभाइरसको सङ्क्रमण फैलनबाट रोक्नका लागि वेस्ट ब्याङ्कमा एक महिने सङ्कटकाल घोषणा गरेका छन्।
चीनको उहानबाट फैलिएको नौलो भाइरस कोरोनाका कारण विश्वका शक्तिशाली मुलुक समेत अहिले आक्रान्त बनेको छ । विश्वभर कोरोनाबाट मृत्यु हुनेको संख्या ३ हजार ३ सय सतासी पुगेको छ भने संक्रमितको संख्या ९८ हजार ४ सय २९ पुगेको छ ।
कोरोना संक्रमणबाट चीनमा मात्रै मृत्यु हुनेको संख्या ३ हजार ४२ रहेको छ भने दक्षिण कोरियामा ४० जनाको मृत्यु भएको छ । त्यस्तै अमेरिकामा १४ इटालीमा १४८, इरानमा १०८ जनाको मृत्यु भएको छ ।
एजेन्सी