ओस्कार विजेता टमका दम्पती कोरोना भाइरसबाट संक्रमित
प्रकाशित मिति : फाल्गुन २९, २०७६ बिहीबार
ओस्कार विजेता अभिनेता टम ह्यांक्स र उनकी श्रीमती रिता विल्सनलाई कोरोना भाइरसको संक्रमण भएको छ । अष्ट्रेलियामा रहेका ह्यांक्सले सामाजिक सञ्जाल इन्टाग्राममार्फत आफू र श्रीमतीलाई भाइरसको संक्रमण भएको जानकारी दिएका हुन् ।
६३ वर्षीय अभिनेता ह्यांक्स गायक एल्भिस प्रिस्लेको जीवनीमा आधारित ‘बायोपिक’को छायांकनका लागि अष्ट्रेलियामा पुगेका थिए । उनीहरुले यसबारे अपडेट गरिरहने पनि बताएका छन् ।
अष्ट्रेलियामा बिहीबारसम्म १३९ जनामा कोभिड–१९ को संक्रमण देखिएको छ भने ३ को मृत्यु भएको छ । टम ह्यांक्सले सन् १९९३ मा ‘फिलाडेल्फिया’ र सन् १९५४ मा ‘फरेस्ट गम्प’ बाट उत्कृष्ट अभिनेताका लागि ओस्कार अवार्ड जितेका थिए ।