भिक्षुबाट लेखक बनेका भारतीय मूलका जे शेट्टीको पुस्तक अमेजनमा बेस्ट सेलर
प्रकाशित मिति : भाद्र २४, २०७७ बुधबार
चर्चित प्रेरक वक्ता जे शेट्टीको पुस्तक थिङक लाइक अ मङक अमेजनमा बेस्ट सेलरको सुचीमा ‘ह्पाप्पीनेश सेल्फ हेल्प’ र ‘मेडिटेशन’ विधामा पहिलो नम्बरमा आएको छ भने विश्वका सबै पुस्तकमा तेश्रो नम्बरमा आएको छ । हाल अमेरिका निवासी शेट्टीले कैयन बर्ष भारतको आश्रममा भिक्षुका रुपमा जीवन विताएका थिए ।
आफूलाई शशक्तिकरण बनाउने बहु प्रतिक्षित पुस्तक अमेजनमा मंगलबार रिलिज भएपनि प्री अर्डरका रुपमा यस्ता प्रतिहरु विश्वभर विकेका थिए । यो पुस्तक अमेरिकामा साइमन एण्ड सुस्टरले प्रकाशित गरेको हो । पुस्तक अमेजन इन्डियामा नम्बर वानमा आउन सफल भएको छ ।
पुस्तकको एरियाना हफिंटन, एलेन डिजेनर्स लगायतले तारिफ गरिसकेका छन् । जे शेट्टीले केहीबर्षदेखि फेसबुकमा प्रेरक भिडियोहरु प्रकाशित गर्दै आएका छन् । उनका फेसबुकमामात्र विश्वभरबाट झण्डै पौने ३ करोड फलोअर्सहरु रहेका छन् ।
यो पुस्तक अडियोमा समेत उपलब्ध भइसकेको छ । साथै गुगल बुक्स र अमेजनमा पाठकहरुको सकारात्मक रिभ्यु पाइरहेको छ । ३२ बर्षका लेखक शेट्टी बेलायतमा मध्यमबर्गीय भारतीय परिवारमा जन्मिएका हुन् । सन् २०१० मा उनी भिक्षुका रुपमा आश्रममा गएका हुन् । झण्डै तीनबर्षसम्म बम्बई र लण्डनका आश्रममा विताएपछि उनले आफ्नो अनुभव बाड्नका लागि बाटो बदलेका थिए ।