जर्जियामा ट्रम्प ३३ हजार मतले अगाडि, ९० हजार मत गणना गर्न बाँकी
प्रकाशित मिति : कार्तिक १९, २०७७ बुधबार
![](https://i0.wp.com/www.khasokhas.com/wp-content/uploads/2020/11/vote.jpg?fit=1200%2C705&ssl=1)
जर्जियामा मतगणना लगभग समाप्त हुन लागेको छ । अहिलेसम्म जर्जियामा झण्डै ९० हजारमात्र मतगणना गर्न बाँकी रहेको छ । अहिलेसम्म ९८ प्रतिशत मतगणना भइसकेको छ ।
अहिलेसम्मको मतपरिणाम अनुशार जर्जियामा डोनाल्ड ट्रम्पले ३३ हजार मतले अग्रता कायम गरिरहेका छन् । अर्थात् शुन्य दशमलव ६ प्रतिशतले बाइडेनभन्दा ट्रम्प अगाडि रहेका छन् ।
अहिलेसम्म जर्जियामा जो बाइडेनले २३ लाख ९५ हजारभन्दा धेरै मत ल्याएका छन् । डोनाल्ड ट्रम्पले २४ लाख २७ हजार भन्दा धेरै मत ल्याएका छन् । जर्जियामा एकप्रतिशतभन्दा कम मतान्तर रहेको खण्डमा उम्मेदबारले पुन: मत गणनाका लागि अनुरोध गर्न सक्छन् ।
जर्जियामा ट्रम्पले पुन: मतगणनाका लागि माग गर्नसक्ने देखिएको छ । तर यदि ट्रम्पले हारेको खण्डमा मात्र जर्जियामा पुन: मतगणनाको माग गर्ने तयारी भइरहेको जनाइएको छ ।