न्युजर्सीमा नेपाली उत्तम शर्माको ट्रकको ठक्करबाट निधन
प्रकाशित मिति : चैत्र ४, २०७७ बुधबार
![](https://i0.wp.com/www.khasokhas.com/wp-content/uploads/2021/03/161577862_163494305620301_2900594978127380152_n.jpg?fit=1216%2C706&ssl=1)
न्युयोर्कको ज्याक्सनहाइट निवासी नेपाली ४३ बर्षका उत्तम शर्माको गाडीको ठक्करबाट निधन भएको छ । शर्माको न्युजर्सीको इस्ट ब्रन्सवीकमा गाडीको ठक्करबाट निधन भएको हो । प्रहरीलाई प्राप्त कागजातमा आधिकारिक ठेगाना ज्याक्सनहाइट भएपनि उनी केहीबर्षदेखि न्युजर्सीमा नै बस्दै आएको जनाइएको छ ।
मंगलबार ट्रकले हानेर एकजना व्यक्ति अचेत भएको खबर पाएपछि अधिकारीहरु न्युजर्सीको इस्ट ब्रन्सवीकको १९ ए कटेज लेनमा पुगेका थिए । शर्मालाई घटनास्थलमा नै मृत घोषणा गरिएको छ ।
![](https://i0.wp.com/www.khasokhas.com/wp-content/uploads/2021/03/Uttam-Sharma.jpeg?resize=720%2C641&ssl=1)
गाडी चलाउने ३९ बर्षकी किम्बर्ली होल्म्सबिरुद्ध अभियोग दर्ता गराइएको छ । ती महिलाले खारेज भएको लाइसेन्सले ट्रक चलाएको पुष्टी भएको छ । उनीबिरुद्ध खारेज भएको लाइसेन्सले गाडी चलाउँदा व्यक्तिको मृत्यु भएको थर्ड डिग्री अभियोग दर्ता गरिएको छ ।
![](https://i0.wp.com/www.khasokhas.com/wp-content/uploads/2021/03/police-line-3953745.jpg?resize=720%2C518&ssl=1)
घटनाबारे थप अनुसन्धान भइरहेको प्रहरीले जनाएको छ । घटनाबारे थप जानकारी भएमा हामीलाई उपलब्ध गराउन सक्नुहुनेछ ।