अब हरेक साता टर्की र कतारका लागि तीन नियमित उडानमार्फत विभिन्न मुलुक जान सकिने
प्रकाशित मिति : जेष्ठ १८, २०७८ मंगलबार
अब हरेक साता नेपालबाट टर्की र दोहाका लागि हुने तीन नियमित उडानमार्फत विभिन्न मुलुक जान सकिने भएको छ । जस अन्तरगत हरेक सोमबार नेपाल एयरलाइन्स र कतार एयरलाइन्सले दोहाका लागि नियमित उडान भर्नेछन् भने हरेक बिहिबार टर्किस एयरलाइन्सले इस्तानबुलका लागि उडान भर्नेछ ।
यी उडानहरुमार्फत दोहा र इस्तानबुलबाट कनेक्सन उडानमार्फत अरु मुलुकहरुमा पनि जान सकिनेछ । नेपाल एयरलाइन्सले जुन ७ देखि लागु हुनेगरी हरेक सोमबार राती १० बजे दोहाका लागि उडान भर्नेछ । त्यस्तै कतार एयरलाइन्सले पनि जुन ७ देखि नै हरेक सोमबार विहान ११ बजेर ५ मिनेटमा दोहाका लागि उडान भर्नेछ ।
Approved flight schedule for month of June 2021. Please check new health safety protocols and listed hotels for mandatory quarantine for arriving passengers in following link:https://t.co/gwsuKhj1O7 pic.twitter.com/YKxqkZL3SE
— Civil Aviation Authority of Nepal (@hello_CAANepal) June 1, 2021
टर्किस एयरलाइन्सले जुन ३ देखि लागु हुनेगरी हरेक बिहिबार राती ११ बजेर ५ मिनेटमा इस्तानबुलका लागि उडान गर्नेछ । त्यस्तै हरेक बुधबार नेपाल एयरलाइन्सको विमान दिल्ली प्रस्थान गर्नेछ भने एयर इन्डियानको उडान पनि हरेक शुक्रबार दिल्ली जानेछ ।
आउने र जानेगरी सातामा कुल १० वटा उडानहरु हुने भएका छन् । ती उडानमार्फत नेपाल आउन चाहनेहरु र नेपालबाट जान चाहनेहरु स्वास्थ्य मापदण्ड र सरकारी नियमको पालना गरे आवतजावत गर्नसक्नेछन् ।
