अमेरिकाको टेक्सासमा कार दुर्घटनामा घाइते १९ बर्षकी नेहा भुसाल आईसीयुमा, गोफण्डमीमा सहयोग संकलन
प्रकाशित मिति : असार २७, २०७८ आईतबार
अमेरिकाको टेक्सासमा भएको कार दुर्घटनामा १९ बर्षकी नेहा भुसाल गम्भिर घाइते भएकी छिन् । नेपालमा बुटवल घर भई अमेरिकामा मिसिगनमा बसोबास गरी हाल टेक्सासमा बस्दै आएका प्रेम भुसालकी सुपुत्री नेहा कार दुर्घटनामा घाइते भएकी हुन् ।
नेहाको गोडामा गम्भिर चोट लागेको जनाइएको छ । मिसिगनबाट विपिन श्रेष्ठले दिएको जानकारी अनुशार उनको हाल आईसीयुमा उपचार भइरहेको जनाइएको छ । उनको इन्सुरेन्सले उपचार खर्च नधान्ने भएकाले सहयोगको आवश्यकता परेको जनाइएको छ ।
नेहाको उपचारका लागि ठूलो धनराशी लाग्ने भएकाले उपचारमा सहयोगका लागि गोफण्डमीमार्फत अभियान चलाइएको छ । गोफण्डमीमा संकलित सबै रकम नेहाको सर्जरी, औषधी र मेडिकल बिलमा खर्च गरिने जनाइएको छ ।
यदि तपाई पनि गोफण्डमीमाफर्त सहयोग गर्न चाहनुहुन्छ भने यहाँ क्लीक गर्नुहोला ।