अमेरिकाका २४ राज्यमा उच्च संक्रामक बर्ड फ्लु, डेढ करोड कुखुरा मारिदै
प्रकाशित मिति : चैत्र ५, २०७८ शनिबार
अमेरिकाका विभिन्न राज्यमा कुखुरामा उच्च संक्रामक र घातक एभियन फ्लु फैलिएको छ । अहिलेसम्म २४ वटा राज्यमा यो बर्ड फ्लु भेटिएको छ ।
आयोवामा कुखुरा फार्महरुमा बर्ड फ्लु पुष्टी भएपछि झण्डै ५३ लाख कुखुराहरु मारिने भएको छ । आयोवामा अण्डा दिने कुखुराको फार्ममा बर्ड फ्लु पुष्टी भएको छ ।
यसभन्दा अगाडि आयोवाको ५० हजार टर्की भएको एउटा फार्ममा बर्ड फ्लु पुष्टी भएको थियो । जसका कारण ती टर्कीहरु नष्ट गर्नुपर्ने अवस्था आएको छ ।
पछिल्लो रिपोर्ट अनुशार अमेरिकाका विभिन्न राज्यमा फैलिएको बर्ड फ्लुले डेढ करोड भन्दा धेरै कुखुरा र टर्कीहरु मार्नुपर्ने अवस्था आएको छ । जंगली चराहरुको सिगानबाट बर्ड फ्लु फैलिएको जनाइएको छ ।