बुटवलको मिलनचोकमा बम विस्फोट, पर्चा समेत फेला
प्रकाशित मिति : बैशाख २८, २०७९ बुधबार
बुटवलको मिलनचोकमा बम विस्फोट भएको छ । प्रहरीका अनुशार बुटवल मिलनचोक आकासे पुलनजिक कुकर बम विस्फोट भएको हो ।
मिलनचोकको सनराइज बैंकको अगाडि बम विस्फोट भएको हो । बम विस्फोटबाट कुनै क्षति भएको छैन ।
साँझ ८ बजे १५ मिनेट जाँदा बम बिस्फोट भएको चर्को आवाज स्थानीयहरुले सुनेका थिए । बिस्फोट स्थल बुटवल उपमहानगरपालिका वडा नम्बर ९ मा पर्छ ।
उक्त स्थानबाट नेकपा माओवादीको नाममा पर्चाहरू समेत फेला परेको प्रहरीले जनाएको छ । वरिपरि केही छर्राहरु समेत फेला परेको प्रहरीले जनाएको छ । घटना बारे थप अनुसन्धान जारी रहेको प्रहरीले जानकारी दिएको छ ।