६ सय ३९ पालिकाको मत परिणाम : कांग्रेस २८३, एमाले १७८ र माओवादी केन्द्र ११२ पालिकामा विजयी
प्रकाशित मिति : जेष्ठ ६, २०७९ शुक्रबार
पालिका चुनाव–२०७९ अन्तर्गत अहिलेसम्म ६ सय ३९ वटा पालिकाको अन्तिम मत परिणाम सार्वजनिक भएको छ ।
अहिलेसम्म नेपाली कांग्रेस २ सय ८३ वटा पालिका जितेर पहिलो स्थानमा छ । कांग्रेसले नगरपालिकामा एक सय वटाभन्दा धेरैमा जित हासिल गरेको छ ।
एमाले दोस्रो स्थानमा कायमै छ । एमालेले अहिलेसम्म १७८ वटा पालिकाको प्रमुख पद जितेको छ ।
नेकपा माओवादी केन्द्रले २० वटा नगरपालिकाको मेयर र ९२ वटा गाउँपालिकाको अध्यक्ष गरी १ सय १२ वटा पालिकाको प्रमुख पद जितेको छ ।
माओवादी केन्द्रले २८ वटा नगरपालिकाको उपमेयर, ८९ वटा गाउँपालिकाको उपाध्यक्ष गरी १ सय १७ वटा उपमेयररउपाध्यक्ष जितेको छ । माओवादी केन्द्रबाट ९ सय ८३ वटा वडाअध्यक्ष पदमा निर्वाचित भएका छन् ।
नेकपा एकीकृत समाजवादीले ६ वटा नगरपालिकाको मेयर र ८ वटा गाउँपालिकाको अध्यक्षमा गरी जम्मा १४ वटा प्रमुखमा जितेको छ । समाजवादीले ८ वटामा उपमेयर जितेको छ ।