इतिहासमै पहिलोपटक अमेरिकाका ५० वटै राज्यमा पेट्रोलको मूल्य प्रति ग्यालेन ५ डलरभन्दा बढी
प्रकाशित मिति : जेष्ठ १९, २०७९ बिहीबार
इतिहासमै पहिलोपटक अमेरिकाका ५० वटै राज्यमा पेट्रोलको मूल्य प्रति ग्यालेन ५ डलरभन्दा बढी भएको छ । मे महिनाको अवधिमा मात्र पेट्रोलको मूल्य प्रति ग्यालेन औषतमा ४८ सेन्टसले बढ्दा देशभरको औषत मूल्य प्रति ग्यालेन ४ डलर ६७ सेन्टस पुगेको थियो ।
ओक्लाहोमामा पनि पेट्रोलको मूल्य प्रति ग्यालेन ४ डलर नाघेपछि ४ डलरभन्दा धेरै मूल्य हुने राज्यहरुको संख्या ५० पुगेको हो । नियमित पेट्रोलको मूल्य अहिले सबैभन्दा कम जर्जियामा ४ डलर १७ सेन्टस प्रति ग्यालेन पुगेको छ ।
ग्यास बडीका अनुशार औषतमा वासिंटन राज्यमा औषत ५ डलर २३ सेन्टस, ओरेगनमा ५ डलर २३ सेन्टस, इलिनोयमा ५ डलर २४ सेन्टस, अलास्कामा ५ डलर २५ सेन्टस, नेभाडामा ५ डलर ३२ सेन्टस, हवाईमा ५ डलर ४१ सेन्टस र क्यालिफोर्नियामा ६ डलर १९ सेन्टस प्रति ग्यालेन पुगेको छ । अहिलेसम्म ५ डलर नाघेको यी राज्यहरुमा मात्र हो ।
न्युयोर्क पोष्टका अनुशार लस एन्जलसको शेभरन ग्यास स्टेशनमा नियमित पेट्रोलको मूल्य ८ डलर ५ सेन्टस प्रति ग्यालेन पुगेको छ । सन् २०२१ को जनवरीमा डोनाल्ड ट्रम्पको कार्यकालको अन्तिम महिनामा अमेरिकामा पेट्रोलको मूल्य औषतमा प्रति ग्यालेन २ डलर ४१ सेन्टस रहेको थियो भने कतिपय राज्यमा २ डलरभन्दा पनि कम रहेको थियो ।