अमेरिकाको लस भेगासमा दिनदहाडै क्यासिनो अगाडी छुरा प्रहार, २ को मृत्यु, ६ घाइते
प्रकाशित मिति : आश्विन २०, २०७९ बिहीबार
अमेरिकाको लस भेगासमा एउटा क्यासिनो अगाडि शृङ्खलाबद्ध छुरा प्रहारमा छुरा प्रहारको घटनामा कम्तिमा २ जनाको मृत्यु भएको छ भने अन्य ६ जना घाइते भएको प्रहरीले जनाएको छ ।
प्रारम्भिक छुरा प्रहारको घटना फुटपाथ क्षेत्रमा भएको र अप्रत्याशित रहेको प्रहरीले जनाएको छ । पहिले कुनै झगडा भएको नदेखिएको तथा छुरा प्रहारको घटना एकदम छिटो भएको प्रहरीको भनाई छ । सुरुमा छुरा हानेपछि आक्रमणकारी फुटपाथ क्षेत्रमा दक्षिणतिर गएर थप व्यक्तिले छुरा हानेको जनाइएको छ ।
घाइतेमध्ये तीन जनाको अवस्था गम्भीर रहेको छ । अरुको अवस्था स्थीर रहेको प्रहरीले जनाएको छ । मृतक र घाइतेहरु स्थानीय र पर्यटकहरू रहेका छन् । उनीहरूका परिवारसँग सम्पर्क गरेपछि उनीहरूबारे जानकारी दिने प्रहरीले जनाएको छ ।
३० बर्षीय आक्रमणकारीलाई स्थानीयहरुले पछ्याएपछि प्रहरीले हिराशतमा लिएको छ । उक्त व्यक्ति स्थानीय नभएको जनाइएको छ । घटनास्थलमा भान्सामा प्रयोग हुने एउटा ठूलो चक्कु फेला परेको छ ।
यो घटना साउथ लस भेगास बुलेभार्डको ३१०० ब्लकमा रहेको विन होटल र क्यासिनो नजिकै ११ बजेर ४२ मिनेटमा भएको हो ।