अमेरिकाको भर्जिनियामा गाडीको ठक्करबाट भुपेन उप्रेतीको निधन
प्रकाशित मिति : आश्विन २१, २०७९ शुक्रबार
अमेरिकाको भर्जिनियाको मनाससमा गाडीको ठक्करबाट भुपेन उप्रेतीको निधन भएको छ । दशैंको दिन दुर्घटनामा परेका उनको निधन भएको जानकारी बिहिबार परिवारलाई दिइएको थियो ।
बुधबार राती दुर्घटनामा घाइते उनलाई उपचारका लागि एयरलिफ्ट गरेर अस्पताल लगिएपनि चिकित्सकहरुले बचाउन सकेनन् । मोरङ सुन्दरहरैचाका ४३ बर्षिय उप्रेती भर्जिनियाको मनाससमा परिवारसँग बस्दै आएका थिए ।
डिभी लाृेटरीमार्फत अमेरिका आएका उनले बिहे पछि परिवारलाई अमेरिका ल्याएका थिए । इटहरीको पिसजोन आवासीय माध्यमिक बिद्यालयबाट २०५४ सालमा एसएलसी उत्तिर्ण गरेका उनले बिराटनगरको महेन्द्र मोरंगमा क्याम्पसमा अध्ययन गरेका थिए ।