चिकेन बिरयानी नदिएको भन्दै न्युयोर्क ज्याक्सनहाइटको रेष्टुरेण्टमा आगजनी गर्ने नोर्बु पक्राउ
प्रकाशित मिति : कार्तिक ५, २०७९ शनिबार
चिकेन बिरयानी नदिएको भन्दै न्युयोर्कको ज्याक्सनहाइटको रेष्टुरेण्टमा आगजनी गर्ने ४९ बर्षका चोफेल नोर्बुलाई प्रहरीले पक्राउ गरेको छ । ती व्यक्तिले अक्टोबर २ मा न्यूयोर्कको क्वीन्समा रहेको बंगलादेशी रेस्टुरेन्टमा आफूले अर्डर गरेको चिकेन बिरयानी नदिएको र त्यसको सट्टा अर्कै खानेकुरा दिएकोमा आगो लगाएको अदालतको कागजातमा उल्लेख छ।
न्युयोर्क फायर डिपार्टमेन्टबाट ट्वीटरमा पोष्ट गरिएको भिडियोमा चोफेल नोर्बुले ज्याक्सनहाइटमा रहेको इटटाडी गार्डेन एण्ड ग्रिलको प्रवेशद्वारमा ज्वलनशील पदार्थ खन्याएको र आगो सल्काएको देखिएको छ । भिडियोमा मानिसले आफूलाई बाहिर निकाल्नु अघि छोटो अवधिको लागि आगोले समातेको पनि देखिएको छ ।
अदालतका कागजातका अनुसार नोर्बुले बंगलादेशी रेस्टुरेन्टबाट आफूले चिकेन बिरयानी किनेको बताए । त्यो नभएको थाहा पाएपछि उनी रिसाए, फ्याँकिदिए र पेट्रोल किनेर रेस्टुरेन्टमा आगो लगाइदिए ।
Today, Acting Fire Commissioner Laura Kavanagh announced the arrest of Choephel Norbu. #FDNY Fire Marshals along with @NYPDnews Arson and Explosion Detectives arrested Norbu, 49, for intentionally setting a fire. Read more: https://t.co/151Huk3jDY pic.twitter.com/3Hjhiwbw5J
— FDNY (@FDNY) October 17, 2022
नोर्बुलाई अक्टोबर १४ मा गिरफ्तार गरिएको थियो र तेस्रो डिग्रीमा आगजनीको एक गणना र दोस्रो डिग्रीमा आपराधिक दुराचारको एक गणनाको आरोप लगाइएको क्वीन्स जिल्ला अधिवक्ताको कार्यालयले जनाएको छ।
उनलाई रिहा गरिएको छ भने डिसेम्बर ७ मा अदालतमा फिर्ता गरिने क्वीन्स जिल्ला अधिवक्ताको कार्यालयका प्रवक्ता मेरिस क्याम्पबेलले बताएका छन् ।
आगलागीबाट बंगलादेशी रेस्टुरेन्टमा १५ सय डलरभन्दा बढीको क्षति पुगेको छ । साथै अगाडिको सिसा फुटेको र एसी युनिटमा क्षति पुगेको जिल्ला सरकारी वकिलको कार्यालयले जनाएको छ । यो रेष्टुरेण्ट ज्याक्सनहाइटको डाइभर्सिटी प्लाजा नजिकै ७३ स्ट्रीटमा रहेको छ ।
