न्युयोर्कको ज्याक्सनहाइटमा १३ र १५ बर्षका टीनएजरहरुमाथि चक्कुप्रहार
प्रकाशित मिति : कार्तिक ९, २०७९ बुधबार
न्युयोर्कको ज्याक्सनहाइटमा १३ र १५ बर्षका टीनएजरहरुमाथि चक्कुप्रहार भएको छ । मंगलबार दिउसो उनीहरुमाथि चक्कुप्रहार भएको प्रहरीले जनाएको छ ।
ज्याक्सनहाइटको ७५ स्ट्रीट र ४१ एभिन्युमा शेर्पा किदुगको गुम्बानेर उक्त घटना भएको हो । दिउसो ३ बज्नुभन्दा अगाडि उक्त घटना भएको प्रहरीले जनाएको छ ।
घाइते दुबैजना उपचारका लागि एल्महस्र्ट अस्पताल गएका थिए । १३ बर्षीयलाई छाती र पाखुरामा चोट लागेको थियो भने १५ बर्षीयलाई छातीमा चोट लागेको थियो ।
घटना हुँदा त्यहाँ टीनएजरहरुको ठूलो समुह रहेको जनाइएको छ । घटना के कारणले भएको हो भन्नेबारे केही खुलेको छैन । घाइतेहरुले यसबारे प्रहरीसँग समन्वय पनि गरेका छैनन् ।