पावरबल: १ दशमलव २ बिलियनको ज्याकपटका लागि बुधबार छानिएका नम्बरहरु
प्रकाशित मिति : कार्तिक १६, २०७९ बुधबार
१ दशमलव २ बिलियन डलरको पावरबल ज्याकपट आज खोलिएको छ । छानिएका नम्बरहरुमा २, ११, २२, ३५ र ६० नम्बर छन् भने पावरबल नम्बर २३ रहेको छ ।
यो पावरबल लोटरी इतिहासमै सबैभन्दा दोश्रो ठूलो पावरबल लोटरी हो । सन् २०१६ को जनवरी १३ मा सबैभन्दा ठूलो १ दशमलव ५ बिलियनको पावरबल लोटरी खोलिएको थियो । यो त्यसपछिको दोश्रो ठूलो हो ।
पावरबल लोटरी परेमा एकमुष्ठ वा ३० बर्षको किस्ताबन्दीमा लिन सकिन्छ । एकमुष्ठ लिंदा झण्डै ६ सय मिलियन हात पर्नेछ ।
पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ ।
पावरबल लोटरी सोमबार, बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ । ज्याकपटक जित्नका लागि २९२ मिलियन टिकटबीच सबैभन्दा भाग्यशाली हुनुपर्छ ।
यो टिकटको मूल्य २ डलर रहेको छ । खेल्ने व्यक्तिले १ देखि १ देखि ६९ सम्मका ५ वटा नम्बर र १ देखि २६ सम्मको एउटा नम्बर छनौट गर्नुपर्छ ।