न्युयोर्कको क्वीन्सका सिंहले जिते पावरबलबाट १ मिलियन डलर
प्रकाशित मिति : कार्तिक १८, २०७९ शुक्रबार
न्युयोर्कको क्वीन्स निवासी शिवपरसौद सिंहले पावरबल लोटरीमा १ मिलियन डलरको पुरस्कार दावी गरेका छन् । उनले सोमबार उक्त पुरस्कार राशी प्राप्त गरेको न्युयोर्क लोटरीले जनाएको छ ।
सिंहले अगस्ट ८ मा खोलिएको लोटरीमा पहिलो पाँचवटा नम्बर मिलाएर आफ्नो पावरबल लोटरीको दोस्रो पुरस्कार जितेका हुन् । सिंहले एकमुष्ठ ६ लाख १२ हजार २ सय ४० डलर लिएका छन् ।
विजयी टिकट जमैकाको हिलसाइड एवेन्यूमा रहेको एबीडी डिस्काउन्ट लिकर र वाइनमा खरिद गरिएको थियो।
न्यूयोर्कको पावरबल खेलले आर्थिक वर्ष २०२१ २०२२ मा कुल बिक्रीबाट ३५८ मिलियन डलर आम्दानी गरेको छ । सोही अवधिमा न्युयोर्क सिटीका पाँचवटा बरोहरूमा विद्यालयहरुले १ दशमलव २ बिलियन डलर प्राप्त गरेका छन् ।
आर्थिक बर्ष वर्ष २०२१ २०२२ मा राज्यभरका विद्यालयहरुले ३ दशमलव ६ बिलियन डलर प्राप्त गरेका छन् । न्युयोर्क लोटरी उत्तर अमेरिकामा सबैभन्दा धेरै आम्दानी गर्ने लोटरी हो ।