बाइडेनको विद्यार्थी ऋण मिनाहा कार्यक्रम संघीय अदालतबाट खारेज
प्रकाशित मिति : कार्तिक २५, २०७९ शुक्रबार
टेक्सासका एक संघीय न्यायाधीशले राष्ट्रपति जो बाइडेनको विद्यार्थी ऋण माफी कार्यक्रमलाई गैरकानूनी घोषणा गर्दै खारेज गरेका छन्।एक रूढिवादी समूह रोजगार क्रिएटर्स नेटवर्क फाउन्डेशनले अक्टोबरमा ऋण राहतको लागि योग्य नभएका दुई उधारकर्ताहरूको तर्फबाट मुद्दा दायर गरेको थियो।
बाइडेनको कार्यक्रम छुट्टै कानुनी चुनौतीको कारण पहिले नै रोकिएको थियो। संसदले सक्रेटरी अफ एजुकेशनलाई सन् २००३ को एउटा कानुनमार्फत विद्यार्थी ऋण मिनाहा गर्ने अधिकार दिएको बाइडेन प्रशासनको तर्क छ ।
तर टेक्सासका संघीय न्यायाधीशले कानूनले विद्यार्थी ऋण माफी कार्यक्रम सिर्जना गर्न स्पष्ट संसदीय अधिकार प्रदान नगर्ने बताएका छन् ।
यो कार्यक्रम संसदको विधायकी शक्तिको असंवैधानिक अभ्यास भएको र तुरुन्त खारेज गरिनुपर्ने न्यायाधीश मार्क पिटम्यानले लेखेका छन् । यी न्यायाधिसलाई तत्कालीन राष्ट्रपति डोनाल्ड ट्रम्पले नियुक्त गरेका थिए ।
बाइडेन प्रशासनले यो निर्णयविरुद्ध पुनरावेदन गर्ने जनाएको छ । ह्वाइट हाउस प्रेस सेक्रेटरीले विद्यार्थी ऋण राहत कार्यक्रममा डिस्ट्रिक्ट कोर्टको निर्णयसँग कडा असहमत रहेको बताएकी छिन् ।
२६ मिलियनले विद्यार्थी ऋण मिनाहाका लागि डिपार्टमेन्ट अफ एजुकेशनलाई आवश्यक जानकारी प्रदान गरिसकेका छन् भने जसमध्ये १६ मिलियन पहिले नै राहतको लागि स्वीकृत भइसकेका छन् । ८ औं यूएस सर्किट कोर्ट अफ अपीलले अक्टोबर २१ मा कार्यक्रममा प्रशासनिक रोक लगाएपछि बिडेन प्रशासनले कुनै पनि ऋण रद्द गर्न सकेको छैन ।
रिपब्लिकन नेतृत्वको छ वटा राज्यहरूले ल्याएको उक्त मुद्दामा पुनरावेदन अदालतले अझै निर्णय दिन बाँकी छ । तल्लो अदालतको न्यायाधीशले राज्यहरूसँग चुनौती ल्याउने कानुनी अवस्था नभएको फैसला गर्दै अक्टोबर २० मा मुद्दा खारेज गरिदिएपछि ती राज्यरु पुनरावेदन गएका थिए ।
बाइडेन प्रशासनले कार्यक्रममा अन्य धेरै कानुनी चुनौतीहरूको सामना गरिरहेको छ। सर्वोच्च अदालतका न्यायाधीश एमी कोनी ब्यारेटले कार्यक्रमलाई चुनौती दिने दुईवटा छुट्टाछुट्टै मुद्दा अस्वीकार गरेकी छिन् । बाइडेन प्रशासनले १० हजार डलरसम्म विद्यार्थी ऋण मिनाहा गर्ने कार्यक्रम ल्याएको छ ।
