मेस्सीले बचाए अर्जेन्टिनाको विश्वकप यात्रा, मेक्सिकोसँगको महत्वपूर्ण खेलमा २-० ले विजयी
प्रकाशित मिति : मंसिर १०, २०७९ शनिबार
अर्जेन्टिना २०२२ फिफा विश्वकपको ट्रयाकमा फर्किएको छ।
लियोनेल मेस्सी र एन्जो फर्नान्डेजले दुई गोल गरेपछि अर्जेन्टिनाले मेक्सिकोलाई २-० ले पराजित गरेको छ । अब समूह सी बाट राउन्ड अफ १६ मा पुग्ने अर्जेन्टिनाको सम्भावना जीवन्त भएको छ ।
साउदी अरेबियासँगको हारले अर्जेन्टिनाको विश्वकपको दावी समयपूर्व समाप्त हुने आशंका उब्जाएको थियो । तर ६४ औं मिनेटमा मेस्सीले गरेको गोलले उनको टोलीलाई कडा प्रतिस्पर्धात्मक मेक्सिकोको पक्ष विरुद्ध आवश्यक सफलता दिलायो।
दोस्रो हाफमा प्रवेश गर्दा खेल गोलरहित बराबरीमा सकिएपनि ६४ औं मिनेटमा ३५ वर्षीय सुपरस्टार लियोनल मेस्सीले उत्कृष्ट गोल गर्दै गोलरहित बराबरीलाई तोड्न सफल भए ।
एन्जो फर्नान्डेजले खेलको अन्त्य हुनु अघि ८७ औं मिनेटमा अर्जेन्टिनाका लागि दोस्रो गोल गर्दै जितलाई विराम दिए । फर्नान्डेज पोर्चुगिज क्लब बेन्फिकाका लागि खेल्ने २१ वर्षीय खेलाडी हुन् ।
समूह सी को पहिलो खेलमा साउदी अरेबियासँग २-१ को हार बेहोरेपछि अर्जेन्टिनाको टोली यस हप्ताको सुरुमा अपमानित भएको थियो । तर यो जितसँगै अर्जेन्टिना समूह ‘सी’ मा साउदी अरेबियासँगको बराबरीमा दोस्रो स्थानमा उक्लिएको छ ।
अब यो टोलीले नोभेम्बर ३० मा पोल्याण्डसँग खेल्दा आफ्नो भाग्यको निर्णय गर्ने मौका छ। एक जीतले टोलीलाई राउन्ड अफ १६ मा पुग्ने सुनिश्चित गर्न सक्छ।
