उरुग्वेलाई २-० ले हराउँदै पोर्चुगल अर्को चरणमा प्रवेश
प्रकाशित मिति : मंसिर १२, २०७९ सोमबार
पोर्चुगलले समूह एच अन्तर्गत सोमबार उरुग्वेलाई २-० ले हराउँदै विश्वकपको नकआउट चरणमा प्रवेश गरेको छ ।
भिडियो रिभ्युपछि पोर्चुगललाई पेनाल्टी दिइएको थियो भने अतिरिक्त समयमा ब्रुनो फर्नान्डिसले दोस्रो गोल गरेका थिए ।
पोर्चुगलले ५४ औं मिनेटमा उरुग्वेविरुद्ध पहिलो गोल गर्दै अग्रता लिएको थियो ।
उक्त शट ब्रुनो फर्नान्डिसले प्रहार गरेका थिए ।
सुरुमा, गोलको श्रेय रोनाल्डोलाई दिइयो तर पछि फिफाले गोलकर्ता फर्नान्डेज भएको बतायो ।
यो जितसँगै पोर्चुगल पनि फ्रान्स र ब्राजिलसँगै अहिलेसम्म राउन्ड अफ १६ मा पुग्नेमा सामेल भएको छ ।
उरुग्वेले अर्को राउण्डमा पुग्न धेरै काम गर्न बाँकी छ । समूह चरणको अन्तिम खेलमा घानालाई हराउन आवश्यक छ भने साथै गोल भिन्नतामा पनि मद्दत लिनु पर्नेछ।
