दक्षिण कोरियासँग हारेपनि पोर्चुगल नकआउट चरणमा, घानालाई हराएपनि उरुग्वे आउट
प्रकाशित मिति : मंसिर १६, २०७९ शुक्रबार
दक्षिण कोरियाले ढिलो गरी पोर्चुगललाई २-१ ले पराजित गर्दै नकआउट चरणमा प्रवेश गरेको छ भने घानालाई २-० ले हराए पनि नक आउट चरणका लागि उरुग्वे अगाडि बढ्न सकेन ।
शुक्रबारको खेलमा पोर्चुगलले बलको कब्जामा प्रभुत्व जमाए पनि दक्षिण कोरियाले जितको लागि हताश पोर्चुगल गोललाई जसरी पनि आक्रमण गरिरह्यो र अन्तमा उनीहरू विजयी भए।
पहिलो हाफमा बराबरी गोल फर्काएपछि दक्षिण कोरियाले फ्रिकिकसहित दोस्रो हाफको अधिकांश समय कुनै पनि अवसर सदुपयोग गर्न सकेन। तर वैकल्पिक खेलाडी हेचन ह्वाङले अन्तिम समयमा अविश्वसनीय दोस्रो गोल गरे । खेलको अन्त्यमा दक्षिण कोरियाले पोर्चुगललाई २-१ ले जित्यो।
खेलको भावनात्मक अन्त्यसँगै दक्षिण कोरियाको भविश्यबारे अन्यौल जारी रह्यो। किनभने सबैकुरा उरुग्वे विरुद्ध घानाको स्कोर होल्डिङमा निर्भर रहेको थियो । त्यो खेलमा थप गोल हुन सकेन। र आठ उत्तेजक मिनेटको रोकावट समय पछि यो समाप्त भयो।
अब दक्षिण कोरिया नकआउटमा प्रवेश गरेको छ । यसले पोर्चुगललाई पछ्याएको छ , जुन पहिले नै समूह एचको टपमा रहेको छ ।
यता उरुग्वेले घानालाई २-० ले हराए पनि नकआउट चरणमा पुग्न असफल भएको छ ।
मैदानमा कुनै उत्सव भएन, किनकि दक्षिण कोरियाले पोर्चुगललाई हराएर समूह एच मा दोस्रो स्थान हासिल गरेपछि उरुग्वे र घाना दुवै विश्वकपबाट बाहिरिएका छन् ।
दोस्रो हाफमा घानामाथि २–० को अग्रता लिएर उरुग्वे नकआउट चरणमा पुग्ने बाटोमा देखिएको थियो । तर दक्षिण कोरियाको ढिलो गोलले झटका लाग्यो । उरुग्वेका फ्यानहरूले समूह एचको अर्को खेलको समाचार देखेपछि निराश भए ।
