क्रोएसियासँग ब्राजिलको दर्दनाक हारपछि स्तब्ध बनेर रोए फुटबलका सुपरस्टार नेयमार
प्रकाशित मिति : मंसिर २३, २०७९ शुक्रबार
शुक्रबार क्रोएसियासँग ब्राजिलको दर्दनाक हारपछि फुटबलका सुपरस्टार नेयमार एकदमै स्तब्ध भए । आफ्नो टोली विश्वकपबाट बाहिरिदा उनले आँसु झारे।
खेल अत्यन्तै रोमाञ्चक थियो । १०६ औं मिनेटमा नेयमारले ०-० को बराबरी तोडेका थिए तर क्रोएसियाका ब्रुनो पेटकोभिकले ११७ औं मिनेटमा खेल पुन बराबरी बनाए ।
अन्तत पेनाल्टी किकबाट विजेताको निर्णय गर्नुपर्ने अवस्था आयो । र क्रोएसियाले सेमिफाइनलको यात्रा सुरक्षित गर्न सफल भयो ।
हारपछि नेयमार निकै भावुक भएका थिए । उनी भुइँमा बसेर रोइरहेका थिए जब उनका टोलीका साथीहरूले उनलाई सान्त्वना दिएका थिए।
यसपटकको विश्वकप ३० वर्षीय खेलाडी नेयमारका लागि उतार चढावयुक्त प्रतियोगिता भएको छ । प्रतियोगिताको सुरुमै सर्बियाविरुद्धको खेलमा घुँडाको चोटका कारण बेन्चमा बसेर समय गुमाउन बाध्य हुँदा उनले आँसु बगाए। यद्यपि उनले यसपटक ब्राजिलका लागि दुई गोल गरेका थिए ।
बर्षौदेखि प्रतियोगितामा उनको समग्र ठूलो सफलताको बावजुद नेयमारले आफ्नो देशको लागि विश्व कप च्याम्पियनशिप ल्याएका छैनन् । तर २०२६ का लागि अझै आशा जिवित छ ।