उपाधी जित्ने सपना चकनाचुर भएपछि क्रिष्टियानो रोनाल्डोले रुँदै छाडे विश्वकप
प्रकाशित मिति : मंसिर २४, २०७९ शनिबार
क्रिष्टियानो रोनाल्डोले आफ्नो क्यारियरमा पहिलो पटक विश्वकप जित्ने मौका चकनाचुर भएपछि रुदै विश्वकप छाडेका छन् । शनिबार क्वार्टरफाइनलमा उनको पोर्चुगल टोली मोरक्कोसँग पराजित भएको थियो ।
रोनाल्डोलाई हारको तुरुन्तै अल थुमामा स्टेडियमको पिचबाट स्टाफका एक सदस्यले पोर्चुगलको टोलीको ड्रेसिङ रुममा लगेका थिए । किनकी ३७ वर्षीय खेलाडी रोनाल्डोले आफ्ना भावनाहरूलाई थाम्न सकेनन् ।
मोरक्को विश्वकपको सेमिफाइनलमा पुग्ने पहिलो अफ्रिकी टोली भएको छ । यो सम्भवतः विश्वकपमा रोनाल्डोको अन्तिम उपस्थिति हो किनकि उनलाई पोर्चुगलको राउन्ड अफ १६ र क्वार्टरफाइनल खेलहरूमा प्रारम्भिक लाइनअपबाट हटाइएको थियो ।
शनिबारको खेलको दोस्रो हाफमा रोनाल्डोलाई मैदानमा ल्याइएको थियो । पुरुष अन्तर्राष्ट्रिय फुटबल इतिहासमा रोनाल्डोको उपस्थिति उनको पोर्चुगल करियरको १९६ औं हो । जुन कुवेतका बादर अलमुतावाको बराबरी हो ।
यदि यो विश्वकपमा रोनाल्डोको अन्तिम उपस्थिति भयो भनेपनि उनले वर्षौंदेखि प्रतियोगितामा आफ्नो छाप छोडिसकेका छन् । फाइनलमा आफ्नो २२ खेलमा रोनाल्डोले आठ गोल गरिसकेका छन् भने उनी पाँच विश्वकपमा गोल गर्ने पहिलो पुरुष खेलाडी हुन् ।