खराब मौषमका कारण न्युयोर्कमा सयौ व्यक्ति कारमा फसे, उद्दारकार्य जारी
प्रकाशित मिति : पुस ९, २०७९ शनिबार
![](https://i0.wp.com/www.khasokhas.com/wp-content/uploads/2022/12/NYC-Snow-weatehr.jpg?fit=1500%2C1209&ssl=1)
खराब मौषमका कारण बफेलो लगायतका क्षेत्रहरु समेटिएको न्युयोर्कको एरी काउन्टीमा केहीसय मानिसहरू अझै पनि आफ्नो कारमा फसिरहेको अधिकारीहरुले बताएका छन् । हिजो राती र आज बिहान आफ्ना कारहरूमा फसेका एरी काउन्टीका बासिन्दाहरूलाई उद्धार गर्न उद्दारकर्मीहरुले प्रयास गरिरहेका छन् ।
कडा बतास र ब्लीस्टरिंग हिमपातले काउन्टीलाई असर गरेको एरी काउन्टीका कार्यकारी मार्क पोलोनकार्जले बताएका छन् । आफूहरुले देखेका संख्याहरूको आधारमा यो सायद केही सयको वरपर रहेको उनको भनाई छ । त्यहाँ ५ सय वा त्योभन्दा बढी व्यक्ति फसेका थिए ।
काउन्टीको सबैभन्दा बढी प्रभावित क्षेत्रहरूमा सवारी साधनहरूको दुई तिहाइ सम्म अड्किएका थिए । बासिन्दाहरूलाई उनीहरूको जीवन खतरामा नभएसम्म ९११ मा फोन गर्न निरुत्साहित गरिएको छ ।
काउन्टीले बासिन्दाहरूलाई सडकमा सवारी चलाउनबाट रोक्न चुनौतीहरूको सामना गरिरहेको छ । प्रतिबन्ध लगाइएको भए पनि बासिन्दाहरुले सडकमा गाडी चलाउन नरोकेको जनाइएको छ ।
एरी काउन्टीका उद्दारकर्मीहरुले व्यक्तिहरूलाई वार्मिङ सेन्टरहरूमा पुर्याउन सक्षम भएका छन् । ट्रान्जिट पुलिस, बफेलो एयरपोर्ट फायर र एयरफिल्ड टोलीहरूले फसेका गाडीसवारहरुलाई उद्धार गरेका छन् र लगभग ६० जनालाई आश्रय दिएका छन्।
एरी काउन्टीमा आपतकालिन कर्मचारीहरू चिकित्सा आपतकालिन समयमा घरमा पुग्न नसक्दा कम्तिमा दुई व्यक्तिको मृत्यु भएको छ ।