विश्वभर यसरी गरिदैछ २०२३ को स्वागत
प्रकाशित मिति : पुस १६, २०७९ शनिबार
अमेरिकाभन्दा केही घण्टा अगाडि सन् २०२३ आइपुगेका विश्वका देशहरूमा नयाँ वर्षको निकै उत्साहका साथ स्वागत गरिएको छ ।
कोरोनाको प्रतिबन्धका कारण विगत तीन वर्षदेखि विश्वका अधिकांश भागमा मानिसले नयाँ वर्ष खुल्ला रुपमा मनाउन सकेका थिएनन् । यसैले २०२३ को आगमनको व्यग्र प्रतीक्षा गरिएको छ ।
नयाँ वर्ष पहिलो पटक प्रशान्त महासागरमा अवस्थित किरिबाटीमा आयो। त्यसको एक घण्टापछि न्युजिल्याण्डमा नयाँ वर्ष मनाइयो ।
अर्कोतर्फ, यस अवसरमा अष्ट्रेलियाको सिड्नीमा हजारौं मानिस जम्मा भएका थिए, जुन भव्य आतिशबाजीका लागि प्रसिद्ध छ ।
