पेरिस ट्रेन स्टेशनमा चक्कु आक्रमणमा छ घाइते, घर जाँदै गरेका अफड्युटी प्रहरी र सीमा प्रहरीबाट नियन्त्रण
प्रकाशित मिति : पुस २७, २०७९ बुधबार
पेरिसको गारे डु नोर्ड ट्रेन स्टेशनमा बुधबार बिहान भएको आक्रमणमा कम्तिमा छ जना घाइते भएका छन् । आक्रमणपछि फ्रान्सेली राजधानीको प्रमुख रेल हबहरू मध्ये एकमा पहुँचमा प्रतिबन्ध लगाइएको छ ।
एक व्यक्तिले स्थानीय समय अनुसार बिहान ६ बजेर ४२ मिनेटमा मानिसहरूमाथि आक्रमण गर्न थालेको जनाइएको छ । आक्रमण त्यसको एक मिनेटपछि नै निष्प्रभावी भएको फ्रान्सेली गृहमन्त्री गेराल्ड डार्मानिनले बताएका छन् । उक्त व्यक्तिलाई घर जान लागेका अफड्युटी प्रहरी र सीमा प्रहरीले निशस्त्र पारेको डार्मानिनले पत्रकार सम्मेलनमा बताएका छन् ।
आक्रमणकारीले आफैंले हतियार बनाएको जनाइएको छ । पेरिस प्रहरीले यसअघि स्थानीय समय अनुसार बिहान पौने ७ बजे एक व्यक्तिले चक्कुले आक्रमण गर्न थालेको बताएको थियो।
Ma réaction ce matin à la Gare du Nord ⤵️ https://t.co/opwfcpQeob pic.twitter.com/g8lj7Xrqm9
— Gérald DARMANIN (@GDarmanin) January 11, 2023
रेल अपरेटरको लागी काम गर्ने एक सुरक्षा एजेन्ट सहित धेरै पुलिस अधिकारीहरूले गोली चलाएका थिए । कैयन राउण्ड गोली चलाइएको र कथित आक्रमणकारी घाइते भएको जनाइएको छ ।
पेरिस अभियोजकको कार्यालयका प्रवक्ताले फ्रान्सेली सीमा प्रहरीका एक सदस्यसहित छ जना घाइते भएको बताएका छन् । घाइते मध्ये एकको अवस्था गम्भीर छ । संदिग्धको पनि अवस्था गम्भीर रहेको जनाइएको छ । पेरिस अभियोजकको कार्यालयका अनुसार चक्कु आक्रमणको कारण अज्ञात छ।
फ्रान्सेली राष्ट्रिय आतंकवाद विरोधी अभियोजकको कार्यालयका अनुशार आक्रमणको बारेमा तथ्यहरूको मूल्याङ्कन भइरहेको छ । संदिग्ध आक्रमणकारी घाइते भएको तथ्यले घटनाको तथ्याङ्कको मूल्याङ्कन गर्न समय लाग्न सक्ने जनाइएको छ ।
बुधवार बिहान हमलाको लगत्तै गृहमन्त्री घटनास्थलमा आएका थिए । यसअघि उनले ट्वीटरमा कथित आक्रमणकारीलाई नियन्त्रणमा लिनु अगाडि धेरै मानिसहरूलाई घाइते बनाएको बताएका थिए । उनले प्रभावकारी र साहसी प्रतिक्रियाको लागि पुलिसलाई धन्यवाद दिएका थिए ।