क्यालिफोर्नियामा अर्को सामूहिक गोलीकाण्डमा ७ जनाको मृत्यु, ६७ वर्षीय झाओ चुन्ली पक्राउ
प्रकाशित मिति : माघ ९, २०७९ सोमबार
क्यालिफोर्नियाको सान माटेओ काउन्टीमा सोमबार दिउँसो सात जनाको गोली हानी हत्या गरिएको छ । तीन दिनभित्र राज्यमा यो दोस्रो सामूहिक गोलीकाण्ड हो । दक्षिणमा पर्ने हाफ मुन बेको बाहिरी भागमा रहेको च्याउ फार्ममा चारजना र ट्रकिङ व्यवसायमा तीन जनाको गोली हानी हत्या भएको छ ।
स्थानीय समय अनुसार दिउँसो २ बजेर २० मिनेटमा गोलीकाण्ड भएको हो । हाइवे ९२ र हाफ मुन बे सहरको सीमा नजिकै दुई छुट्टाछुट्टै स्थानमा घटना भएको हो । घटनास्थल सान फ्रान्सिस्कोबाट ३० माइल दक्षिणमा रहेको छ । गम्भिर घाइते एक व्यक्तिलाई स्ट्यानफोर्ड मेडिकल सेन्टरमा लगिएको छ ।
*Update* Suspect is in custody. There is no ongoing threat to the community at this time.
— San Mateo County S.O (@SMCSheriff) January 24, 2023
गोलीकाण्डका संदिग्ध हाफ मुन बेका ६७ वर्षीय झाओ चुन्ली हाफ मुन बेमा रहेको प्रहरी कार्यालय सबस्टेसनको पार्किङ स्थलमा आफ्नो कारमा फेला परेको सान माटेओ काउन्टी प्रहरीले जनाएको छ । चुन्लीलाई बिना कुनै घटना हिरासतमा लिइएको र उनको गाडीमा हतियार भेटिएको प्रहरीले जनाएको छ । समुदायको लागि कुनै उल्लेखनीय खतरा नभएको पनि प्रहरीको भनाई छ ।
At the hospital meeting with victims of a mass shooting when I get pulled away to be briefed about another shooting. This time in Half Moon Bay.
Tragedy upon tragedy.
— Gavin Newsom (@GavinNewsom) January 24, 2023
गोली चलाउनुको कारण अहिलेसम्म खुल्न सकेको छैन । क्यालिफोर्नियाको मोन्टेरी पार्कमा लुनार न्यू इयर फेस्टिभलमा ११ जनाको हत्या भएको दुई दिनपछि आजको घटना भएको हो। अधिकारीहरूले मोन्टेरी पार्कको घटनालाई लस एन्जलस काउन्टीको इतिहासमा सबैभन्दा घातक सामूहिक गोलीकाण्ड भनेका थिए ।
.@POTUS has been briefed by the Homeland Security Advisor on the mass shooting in San Mateo County, California. He has asked federal law enforcement to provide any necessary assistance to the local authorities. As more details become available, the President will be updated.
— Karine Jean-Pierre (@PressSec) January 24, 2023
ह्वाइट हाउसका प्रेस सेक्रेटरीका अनुशार घटनाबारे राष्ट्रपति बाइडेनलाई होमल्याण्ड सेक्युरिटी सल्लाहकारले जानकारी गराएका छन् ।
