अमेरिकाको विसकन्सिन राजमार्गमा ८५ वटा गाडी ठोक्किदा २७ जना घाइते
प्रकाशित मिति : माघ १४, २०७९ शनिबार
शुक्रबार अमेरिकाको दक्षिणी विसकन्सिनमा हिमपातको अवस्थाका बीचमा राजमार्गमा ८५ वटा गाडी ठोक्किदा कम्तीमा २७ जना घाइते भएका छन् । घटनाका कारण इन्टरस्टेट ३९९० राजमार्ग केही घण्टासम्म अवरुद्ध भएको थियो ।
घाइतेहरुलाई क्षेत्रीय अस्पतालहरूमा उपचार गर्न लगिएको थियो । घाइतेहरु कसैको पनि अवस्था चिन्ताजनक छैन । हिमपात र सडकमा जमेको बरफका कारण दुर्घटना भएको अधिकारीहरुले बताएका छन् ।
दुर्घटना स्थानीय समय अनुशार दिउँसो करिब साढे १२ बजे भएको थियो । दुर्घटनासँग सम्बन्धित नभएको घटनामा एकजनाको मृत्यु भएको जनाइएको छ ।
अमेरिकाका राजमार्गहरुमा गाडी दुर्घटना हुँदा एकैपटक धेर्र गाडीहरु ठोक्किने घटना नयाँ होइन । खासगरी हिमपातको समयमा यस्ता घटनाहरु हुने गरेका छन् ।