बैंकिङ प्रणालीमा विश्वास गुम्न नदिन बाइडेनको असाधारण कदम, सेवाग्राहीको रकम डूब्न नदिने
प्रकाशित मिति : फाल्गुन २८, २०७९ आईतबार
अमेरिकाको बैंकिङ प्रणालीमा विश्वास पुनर्स्थापित गर्नको लागि बाइडेन प्रशासनले असाधारण कदम चालेको छ । जस अनुशार असफल सिलिकन भ्याली बैंकका ग्राहकहरूले सोमबारदेखि उनीहरूको सबै पैसामा पहुँच पाउनेछन्। यस अगाडि २ लाख ५० हजारभन्दा बढी डिपोजिट गरेकाहरुको रकम के हुने भन्नेबारे अन्यौल उत्पन्न भएको थियो ।
त्यस्तै आइतबार सरकारले बन्द गराएको न्युयोर्कको सिग्नेचर बैंकका ग्राहकहरुले पनि सोही सुविधा पाउने भएका छन् । विमाबाट सुरक्षित गरिएको बाहेकको २ लाख ५० हजारमाथिको असुरक्षित डिपोजिट पनि उनीहरूलाई सोमबार फिर्ता गरिने भएको छ ।
आइतवार एक संयुक्त वक्तव्यमा, ट्रेजरी सेक्रेटरी जेनेट येलेन, फेडरल रिजर्व अध्यक्ष जेरोम पावेल र फेडरल डिपोजिट इन्स्योरेन्स कर्पोरेशनका अध्यक्ष मार्टिन जे ग्रुएनबर्गले सिलिकन भ्याली बैंक र सिग्नेचर बैंकका सबै ग्राहकहरूलाई पूरै रकम फिर्ता दिइने बताएका हुन् । ग्राहकहरूले असफल बैंकहरूमा राखेका बीमा नगरिएको रकम समेत फिर्ता दिने सरकारी कदमले सेवाग्राहीहरुले राहतको स्वास फेरेका छन् ।
फेडले सोमबार समान बैंकहरूमा रकम सकिनबाट रोक्न योग्य वित्तीय संस्थाहरूको लागि थप रकम उपलब्ध गराउनेछ। सोमबार धेरैले रकम निकाल्न खोज्ने सम्भावना भएकाले क्षेत्रीय बैंकिङ क्षेत्रमा धेरैका लागि तनावपूर्ण दिन हुने अपेक्षा गरिएको छ । तर सरकारी कदमले नाटकीय रूपमा थप सङ्क्रमणको जोखिम कम गर्ने विश्लेषकहरुको भनाई छ ।
अमेरिकी करदाताहरू कुनै पनि सुविधाको लागि अप्ठ्यारोमा नहुने नियामकहरूले बताएका छन् । तर सेयरधारकहरू र असुरक्षित कर्पोरेट बन्डका धारकहरूलाई नियामकहरूको योजनाद्वारा सुरक्षित गरिने छैन।
अमेरिकी नियामकहरूले गत हप्ताको अन्त्यमा सिलिकन भ्याली बैंकको आश्चर्यजनक र द्रुत पतन पछि ठोस योजनाका लागि सप्ताहन्तमा काम गरेका थिए । ट्रेजरी, फेडरल रिजर्भ र एफडीआईसी अधिकारीहरूले सुविधाहरू विकास गर्न गत दुई दिनमा बाइडेन प्रशासनसँग काम गरेका छन्।
डिपोजिट भएको रकम ग्यारेन्टी गरेर अमेरिकी सरकारले बैंक असफलताको नतिजाबाट दुई सम्भावित जोखिमपूर्ण परिदृश्यहरूबाट बचाउन प्रयास गरिरहेको छ । ग्राहकहरूले विश्वास गुमाएमा सिलिकन भ्याली बैंक र सिग्नेचर बैंकसँग मिल्दोजुल्दो प्रोफाइल भएका अन्य बैंकहरू असफल हुन हुनसक्ने पहिलो परिदृश्य रहेको छ । अर्को परिदृश्य टेक कम्पनीहरूले तलब खुवाउन वा कोष सञ्चालन गर्न असमर्थ भएमा ती कम्पनीहरु पतन हुन सक्ने अर्को परिदृश्य रहेको छ । यी दुबै अवस्था आउन नदिन बाइडेन प्रशासनले आजको कदम चालेको हो ।
