अत्यन्तै धेरै आवेदनका कारण अबदेखि अमेरिकी राहदानीका लागि १३ हप्तासम्म लाग्ने
प्रकाशित मिति : चैत्र १०, २०७९ शुक्रबार
अमेरिकी विदेश मन्त्रालयले राहदानी आवेदनहरूको लागि आवेदनबारे निर्णय हुन लाग्ने समय अपडेट गरेको छ । यो अपडेट मार्च २४ देखि लागू भएको छ ।
मार्च २४ पछि राहदानी आवेदनहरूको नियमित प्रक्रियामा १० देखि १३ हप्ता लाग्नेछ । अतिरिक्त ६० डलर तिरेर शीघ्र प्रकृया अपनाएमा ७ देखि ९ हप्ता लाग्नेछ । यो अवधि मार्च २४ पछि पेश गरिएका नयाँ राहदानी आवेदनहरूमा मात्र लागू हुनेछ भने हुलाकको समय यसमा समावेश छैन ।
अमेरिकी विदेश मन्त्रालयले राहदानी आवेदनहरूको लागि प्रक्रिया समय चक्रीय रहेको र मौसमी मागको विषय रहेको बताएको छ । यद्यपि यस वर्षको आवेदनको मात्राले गत वर्षको भोल्युमले सेट गरेको रेकर्डलाई ३० प्रतिशतभन्दा बढाएको छ, जसले प्रशोधन समय समायोजन गर्न आवश्यक भएको जनाइएको छ ।
अमेरिकी विदेश मन्त्रालयले नागरिकहरूलाई उनीहरूको राहदानीको म्याद जाँच गर्न र यात्राको योजना भएमा समयमै नवीकरण गर्न सचेत गराएको छ । उनीहरूले २०२३ मा अन्तर्राष्ट्रिय यात्रा गर्ने योजना बनाएका छन् भने समयमै आवेदन दिन प्रोत्साहित गरिएको छ ।
अमेरिकी विदेश मन्त्रालयले विदेश यात्रा गर्ने सबै अमेरिकी नागरिकहरूलाई स्मार्ट ट्राभलर इन्रोलमेन्ट कार्यक्रममा इन्रोल गर्न प्रोत्साहित गरेको छ। यो कार्यक्रमले यात्रुहरूलाई समयमै अलर्टहरू र यात्रा सल्लाहहरूमा अद्यावधिकहरू सहित महत्त्वपूर्ण सन्देशहरू सिधै प्राप्त गर्न सक्षम बनाउँछ । साथै विदेश मन्त्रालयलाई आपतकालिन अवस्थामा सहायता प्रदान गर्न सक्षम बनाउँछ।
अमेरिकी विदेशमन्त्री एन्टोनी ब्लींकेनले हरेक हप्ता ५ लाख राहदानीका आवेदनहरु प्राप्त भइरहेको बताएका छन् । विदेश मन्त्रालयले थप कर्मचारीहरू भर्ना गरेको छ भने प्रशोधन समय सुधार गर्न स्याटेलाइट कार्यालयहरू खोलेको छ।