कोलोराडोमा सुरु भयो गुन्द्रुक, नेपाली पनसँगै नेपाली खाना
प्रकाशित मिति : चैत्र १२, २०७९ आईतबार
अमेरिकामा नेपाली स्वादका खानेकुरा पाइने रेष्टुरेण्टहरु खुल्ने क्रम बढ्दो रहेको छ । यसै क्रममा कोलोराडोको लाफायटमा नेपाली रेष्टुरेण्ट गुन्द्रुकको सुरुवात गरिएको छ ।
रेष्टुरेण्टमा नेपाली खानाका लागि नेपाली मूलका बाहेक अन्य ग्राहकहरु पनि आकर्षित भएको संचालक उत्सव पन्तले बताएका छन् । नेपाली मूलका बाहेक अन्य ग्राहकले समेत मम ,चाउमिन, छोयला निकै मन पराएको पन्तले बताए ।
चाडै नेपाली थाली संगै पम्परागत खानाका परिकारहरु पनि सुरु गरिने संचालकले जानकारी दिएका छन् । कोलोराडोमा नेपाल घुमेका गैर नेपाली मूलका व्यक्तिको संख्या उल्लेख रहेको र उनीहरु खानाबाट परिचित समेत रहेकाले रेष्टुरेण्टमा त्यस्ता ग्राहकहरु उल्लेख्य रुपमा आएको जनाइएको छ ।
बोल्डर र काठमाडौंबीच भगिनी नगर सम्बन्ध समेत रहेकाले कोलोराडोबासीहरु नेपालसँग थप परिचित छन् । रेष्टुरेण्टलाई नेपाली पन दिनका लागि भित्री सजावट पनि नेपाल झल्किने खालको रहेको छ । यसले नेपाली खाना संगै नेपाल चिनाउन पनि मद्दत संचालक उर्मिला गुरुङले बताइन् ।
