क्यालिफोर्नियामा २८ बर्षीय नेपाली युवा अपार्टमेण्टमा मृत फेला
प्रकाशित मिति : चैत्र २०, २०७९ सोमबार
अमेरिकाको क्यालिफोर्नियाको सानफ्रान्सिस्कोमा एक नेपाली युवा मृत फेला गरेका छन् । पोखरा बाटुलेचौरका सुरेश बानिया सानफ्रान्सिस्को ओफारेल स्ट्रिटमा रहेको अपार्टमेण्टमा मृत भेटिएको जनाइएको छ ।
उनले आफैले आफ्नो ज्यान लिएको आशंका गरिएपनि आधिकारिक रुपमा पुष्टी भने भएको छैन । ७ बर्ष अगाडि अमेरिका आएका २८ बर्षीय बानिया रेष्टुरेन्टमा सेफका रुपमा काम गर्दै आएका थिए ।
उनी अविवाहित रहेको र केही समयदेखि मानसिक समस्याको उपचार गर्दै आएको जनाइएको छ । शनिवार साँझ उनी अपार्टमेण्टमा मृत भेटिएपछि प्रहरीलाई खबर गरिएको थियो । प्रहरीले पोष्टमार्टमका लागि शव लगेको थियो ।
उनका बुवा लगायत परिवारबाट उनको शव नेपाल पठाइदिन आग्रह गरेको जनाइएको छ । केही समय अघि तीव्र गतिमा गाडी चलाएपछि एक पटक उनलाई प्रहरीले समातेको हिमालयखबरले उल्लेख गरेको छ ।
मानसिक समस्या रहेको शंका लागेपछि प्रहरीले उनलाई उपचारका लागि सिफारिस गरेको र त्यसपछि उनले नियमित उपचार गराईरहेका समाचारमा उल्लेख छ ।