डिभीको नतिजा चेक गर्न वेवसाइट खुलेन ? अपनाउनुहोस् यी तीन तरिका
प्रकाशित मिति : बैशाख २३, २०८० शनिबार
डिभी २०२४ को नतिजा आइसकेको छ । तर एकैपटक लाखौं व्यक्ति वेवसाइटमा प्रवेश गर्दा वेवसाइट खुल्नमा ढिलाई भएका कारण कतिपय व्यक्तिले आफूलाई डिभी लोटरी परे नपरेको थाहा पाउन सकेका छैनन् । यदि तपाई पनि त्यस्तो समस्या भोग्नुभएको छ भने तपाईले केही तरिका अपनाउन सक्नुहुनेछ ।
यदि तपाईले मोबाइल डिभाइसबाट डिभी लोटरीको नतिजा चेक गर्ने प्रयास गर्नुभएको छ र वेवसाइट लोड हुनमा ढिलाई भएको छ भने तपाईले ल्यापटप वा डेस्कटपको प्रयोग गर्न सक्नुहुनेछ । कहिलेकाहीँ, वेबसाइटहरूमा र मोबाइल उपकरणहरूमा फरक अनुकूलता वा प्रतिक्रिया समस्याहरू हुन्छन् । तिनीहरूलाई कम्प्युटरबाट पहुँच गर्दा राम्रो अनुभव प्राप्त हुन सक्छ।
Diversity Visa 2024 selections are now available! Find out if you were selected to apply for a visa by entering your confirmation number at https://t.co/XA5VIvD8bS. This is the ONLY way to check if you have been selected. Selection does not guarantee a visa or an interview. pic.twitter.com/iPUm2iU8mR
— Travel – State Dept (@TravelGov) May 6, 2023
वेवसाइट लोड हुन समस्या भएको बेला तपाईले हाइस्पीड इन्टरनेटको प्रयोग गर्नुपर्ने हुनसक्छ । यदि तपाई डाटाबाट वेवसाइट खोलिरहनुभको छ भने राम्रो स्पीड भएको वाईफाईबाट प्रयास गर्न सक्नुहुनेछ । यदि तपाईको वाईफाई कमजोर छ तर मोबाइल डाटा हाइ स्पीडको छ भने मोबाइल डाटाबाट पनि चेक गर्न सक्नुहुनेछ ।
त्यस्तै तपाईले अर्को भूगोलबाट पनि डिभी परे नपरेको चेक गर्न सक्नुहुनेछ । खासगरी एसियाका देशहरुबाट धेरै व्यक्ति डिभीमा सहभागी हुने र चेक गर्नेहरु धेरै हुने भएकाले तपाईले युरोप वा अमेरिकाबाट चेक गर्न सक्नुहुनेछ । त्यसका लागि तपाईले युरोप वा अमेरिकामा हुने चिनेजानेको कोही व्यक्तिको ल्यापटप वा डेस्कटपमा रिमोट पहुच कायम गरेर चेक गर्न सक्नुहुनेछ वा उनीहरुलाई आफ्नो कन्फर्मेशन नम्बर, जन्मबर्ष र थर दिएर पनि चेक गर्न लगाउन सक्नुहुनेछ । तर यसरी आफ्नो विवरण दिंदा दुरुपयोग हुनसक्ने तर्फ सचेत हुनुपर्छ ।
याद गर्नुहोस्, डिभी लोटरी परे नपरेको चेक गर्ने एकमात्र तरिका भनेको अमेरिकी सरकारको आधिकारिक वेवसाइट dvprogram.state.gov/ESC मात्र हो । अरु कुनै थर्ड पार्टी वेवसाइट वा ठगीका वेवसाइटहरु प्रयोग नगर्नुहोला ।