जुन २५ मा लस एन्जलसमा नेपाल मार्च
प्रकाशित मिति : जेष्ठ २४, २०८० बुधबार
हामी नेपाली ग्लोबल युएसएले क्यालिफोर्नियाको लस एन्जलसमा जुन २५, २०२३ मा नेपाल महोत्सव गर्ने भएको छ । नेपालको पर्यटन प्रवद्र्धन र नेपाली उत्पादनको विश्व बजारमा प्रवद्र्धन गर्ने उद्धेश्यले महोत्सव गर्न लागिएको आयोजकले जानकारी दिएका छन् ।
महोत्सवका लागि हामी नेपाली ग्लोबलका अध्यक्ष अमृत लामा, अमेरिका अध्यक्ष ईन्दिरा त्रिपाठी, क्यालिफोर्निया चाप्टर अध्यक्ष मदन पाण्डेसहित सुबास शम्सेर भण्डारी, अशोक राज भण्डारी, अर्जुन पौडेल, मुना प्याकुरेल, भुवन पौडेल, जोसेप घले, सुनिता खत्री, धुब्र कुंवर, पारू केसी, बिन्दु सापकोटा, बिष्णु केसी, नवाँ तिवारी, गणेश भट्टराई , हेम बहादुर थकुल्ला, वबिन थापा र कृष्ण देवकोटा सम्मिलित आयोजक समिति बनाइएको छ ।
महोत्सवमा नेपाल सरकारका प्रतिनिधि लगायत क्यालिफोर्नियामा रहेका विभिन्न संघ संस्थाका प्रतिनिधिहरुको सहभागीता रहने आयोजकको अपेक्षा छ । महोत्सव कुनै राजनीतिक तथा धार्मिक रुपमा नभई विसुद्ध पर्यटन प्रवद्र्धन र सामाजिक हितको लागि आयोजना गरिएको आयोजकको भनाई छ ।
कार्यक्रममा नेपाली कला, संस्कृति र पहिचान झल्किने झाकी समेत प्रर्दशन गरिनेछ । दिउसो १२ बजेदेखि ४ बजेसम्म लस एन्जलस हलिउडको वाक अफ फेममा हुने महोत्सवमा सहभागिताका लागि हामी नेपाली ग्लोबलका अन्तर्राष्ट्रीय उपाध्यक्ष टेक वाईवा लामाले सम्पूर्ण नेपाली समुदायलाई आह्वान गरेका छन् ।