विश्वका मैत्रीपूर्ण शहरमा एक नम्बरमा सिड्नी र टोरन्टो, टप २० मा कुन कुन ?
प्रकाशित मिति : असार ३, २०८० आईतबार
विश्वका मैत्रीपूर्ण शहरमा एक नम्बरमा सिड्नी र टोरन्टो परेका छन् । भाषा सिक्नेहरूलाई स्रोतहरूसँग जोड्ने प्रिप्लाईले मित्रताको आधारमा शहरहरू सुचीकृत गरेको हो । यदि तपाईं नयाँ ठाउँ भ्रमण गर्ने योजनामा हुनुहुन्छ भने उक्त शहर बाहिरका मानिसहरूका लागि अनुकूल छ कि छैन भनेर तपाईले विचार गर्न सक्नुहुनेछ ।
आगन्तुक फर्कने दर, सुरक्षा, आतिथ्य कर्मचारीहरूको मित्रता, लैंगिक समानता, समग्र खुशी, र अंग्रेजी बोल्ने प्रवीणता लगायतका आधारमा यो सुची निर्धारण गरिएको हो । अँग्रेजी संसारमा सबैभन्दा बढी बोलिने भाषा भएकाले सञ्चारको सहजता निर्धारण गर्न प्रत्येक शहरको अंग्रेजी बोल्ने प्रवीणता स्कोर पनि हेरिएको छ ।
१५ प्रतिशत आगन्तुकहरु फिर्ता दर संगै टोरन्टो गैर स्थानीयहरुका लागि हिट साबित भएको छ। सहरको खुशीको स्कोर १० मा ७ दशमलव ३ रहेको छ भने लैंगिक समानताको स्कोर १ सयमा ९० रहेको छ । जसले टोरन्टोलाई लोकप्रिय स्थान मात्र होइन, समावेशी पनि बनाएको छ ।
टोरन्टोसँग बराबर गरेर टक्कर दिएको छ अष्ट्रेलियाको सिड्नीले । सिड्नी विश्वको सबैभन्दा मित्रवत शहरको रूपमा रहेको छ । जब सुरक्षाको कुरा आउँछ सिड्नीले १०० मध्ये ६५ दशमलव ८७ को उच्च स्कोर प्राप्त गरेको छ । लैंगिक अल्पसंख्यकले पनि सिड्नीमा स्वागतयोग्य वातावरण पाउँछन् । किनभने सिड्नीले लैंगिक समानतामा १०० मध्ये ८४ कमाएको छ। सिड्नीले खुशीको लागि १० मध्ये ७ दशमलव १३ अंक प्राप्त गरेको छ र १६ प्रतिशत आगन्तुक फिर्ता दर छ।
तेश्रोमा स्कटल्याण्डको एडिनबर्ग रहेको छ भने चौथो मैत्रीमा युकेको म्यानचेस्टर रहेको छ । अमेरिकाको न्युयोर्कले पाँचौं मैत्री शहरको स्थान पाएको छ । क्यानडाको मोन्ट्रियल छैठौंमा, अष्ट्रेलियाको मेलबर्न सातौंमा, अमेरिकाको सान फ्रान्सिस्को आठौंमा, आयरल्याण्डको डब्लिन नवौमा र डेनमार्कको कोपनहेगन १० औं मैत्री शहरमा परेका छन् ।
एघारौंमा आम्स्टर्डम, १२ औंमा न्युजिल्याण्डको अकल्याण्ड, १३ औंमा पोर्चुगलको लिस्बन, १४ औंमा पेरिस, १५ औंमा बर्लिन परेका छन् । त्यस्तै सिंगापुर १६ औं, चेक रिपब्लिकको प्राग १७ औं, स्पेनको म्याड्रिड १८ औं, बार्सिलोना १९ औं र इजरायलको तेल अभिभ २० औं नम्बरमा परेका छन् ।
