आज न्युयोर्कमा राजेश हमाल, सुगम पोख्रेल, विल्सन बिक्रम लगायतको प्रस्तुती, बालशिक्षामा सघाइने
प्रकाशित मिति : असार २२, २०८० शुक्रबार
नेपाली कलाकारहरु राजेश हमाल, सुगम पोख्रेल, विल्सन बिक्रम राई लगायतले आजसाँझ न्युयोर्कबासीलाई मनोरञ्जन दिलाउने भएका छन् । क्वीन्स मास्पेथको मेजेष्टिक हल (५६-७०, ५८ औं स्ट्रीट मास्पेथ)मा हुने कार्यक्रम शुक्रवार बेलुका सात बजेदेखी शुरु हुनेछ ।
नेपाली पप संगितमा लोकप्रिय सुगम पोख्रेलले कन्सर्टमा आफ्नो हिट गीतहरु प्रस्तुत गर्नेछन् भने राजेश हमाल र विल्सन बिक्रम राईको संयुक्त प्रस्तुती समेत रहेको छ । राजेश हमालको नृत्य र विल्सन बिक्रम राईको एकल हाँस्यव्यंग्य समेत कार्यक्रममा रहने आयोजकले जनाएका छन् ।
कार्यक्रममा अन्य कलाकारको समेत प्रस्तुती रहनेछ । कार्यक्रमबाट संकलित रकममध्येको आंशिक रकम सिन्धुपाल्चोकका बालबालिकाको शिक्षामा खर्च गरिने जनाइएको छ । कलाकार संलग्न रहेका फाउन्डेशनलाई पनि सहयोग गर्ने लक्ष्य आयोजकको रहेको छ । कार्यक्रममा प्रवेश शुल्क ५० डलर रहेको छ ।