अमेरिकाको अलास्कामा ७.२ रेक्टर स्केलको भूकम्प, के सुनामीको खतरा छ ?
प्रकाशित मिति : असार ३१, २०८० आईतबार
अमेरिकाको अलास्कामा शनिबार ढिलो म्याग्निच्युडको भूकम्प गएको छ । जसका कारण दक्षिणी अलास्काको लागि सुनामीको चेतावनी दिइएको छ । तर अहिले त्यहाँ सुनामीको खतरा भने नरहेको जनाइएको छ । सुनामीको चेतावनीपनि एक घण्टा पछि रद्द गरिसकिएको छ ।
अलास्का भूकम्प केन्द्रका अनुसार अलेउटियन टापुहरू, अलास्का प्रायद्वीप र कुक इनलेट क्षेत्रहरूमा भूकम्प व्यापक रूपमा महसुस गरिएको थियो। कोडियाक, अलास्कामा साइरनहरूले सम्भावित सुनामीको चेतावनी दिएका थिए । राति ढिलो मानिसहरुलाई आश्रयहरूमा जान बाध्य बनाएको थियो ।
अमेरिकाको जिओलोजिकल सर्वेक्षणले सामाजिक सञ्जाल भूकम्प शनिबार राति १० बजेर ४८ मिनेटमा अलास्काको स्यान्ड प्वाइन्टबाट १०६ किलोमिटर दक्षिणमा आएको बताएको थियो । सुरुमा ७ दशमलव ४ म्याग्निच्युडको भूकम्प गएको बताइएपनि केही समयपछि ७ दशमलव २ मात्र रहेको जनाइएको थियो ।
अमेरिकी राष्ट्रिय मौसम सेवाले सुनामीको चेतावनी दिएको थियो । भूकम्प १३ माइल गहिराइमा आएको हो। एजेन्सीले पहिलो चेतावनीको करिब एक घण्टा पछि सुनामीको चेतावनी रद्द गर्यो।
स्थानीय समय अनुसार बिहान १२ बजेर १८ मिनेटमा किंग कोभ र स्यान्ड प्वाइन्ट दुबैमा आधा फिटको अधिकतम उचाइ भएको सुनामी छालहरू मापन गरिएको थियो।
रद्द गर्नु अघि एन्कोरेज, अलास्काको राष्ट्रिय मौसम सेवाले सुनामी चेतावनी तटीय अलास्कामा चिग्निक खाडीदेखि युनिमाक पाससम्म लागू भएको जनाएको थियो, तर कोडियाक टापु र केनाई प्रायद्वीपमा असर पर्ने अपेक्षा गरिएको थिएन।
हवाई आपतकालीन व्यवस्थापन एजेन्सीले सुनामीको चेतावनी आएको केही समयपछि टापुहरूमा कुनै खतरा नरहेको बताएको थियो। सोही क्षेत्रमा कम्तीमा पनि आठ वटा पराकम्पन गएको अनुमान गरिएको छ, जसमध्ये सबैभन्दा ठूलो ५ म्याग्निच्युडको पराकम्पन प्रारम्भिक भूकम्पको तीन मिनेटपछि मात्र मापन गरिएको थियो।