क्यालिफोर्नियामा बिक्री भएको टिकटले जित्यो १ बिलियनको पावरबल ज्याकपट
प्रकाशित मिति : श्रावण ४, २०८० बिहीबार
लस एन्जलसको एक कन्भिनियन्स स्टोरमा बेचिएको टिकटले बुधबार रातिको १ बिलियन डलरको पावरबल जितेको छ । तर टिकट किन्ने व्यक्तिले अझै पुरस्कार दाबी गरेका छैनन् । विजयी नम्बरहरु ७, १३, १०, २४ र ११ थिए भने पावरबल नम्बर २४ रहेको थियो । यो अहिलेसम्मकै सबैभन्दा तेश्रो ठूलो पावरबल ज्याकपट हो ।
भाग्यशाली विजेतासँग १ दशमलव ०८ बिलियनको ३० वर्षभन्दा बढी किस्तामा भुक्तान गरिजे रकम वा कर भन्दा पहिले ५५८ दशमलवव १ मिलियनको एकमुष्ट भुक्तानी लिने विकल्प हुनेछ । त्यसपछि ट्याक्स रकम पनि काटिनेछ । सबै विजेताहरूले आफ्नो जीतमा स्वचालित रूपमा २४ संघीय कर तिर्छन्, जसलाई आम्दानीका रुपमा मानिन्छ।
यद्यपि विजेताहरूले लगभग निश्चित रूपमा आफ्नो कर रिटर्न फाइल गर्दा संघीय करहरूमा अर्को १३ प्रतिशत पनि तिर्नेछन् । किनकि लाखौं डलरको जीतले उनीहरूलाई ३७ प्रतिशतको शीर्ष कर कोष्ठकमा राख्नेछ। क्यालिफोर्नियामा लोटरी जित्दा राज्यलाई आयकर तिर्नु पर्दैन ।
एकमुष्ठ रकम लिने क्यालिफोर्नियाका विजेताले ३२५ मिलियनभन्दा धेरै घर लैजान पाउनेछन् । यदि ३० बर्षको किस्तामा लिनेगरी छनौट गरेमा भने यो रकम बढी हुनेछ । यो ज्याकपट अप्रिलको मध्यदेखि बढ्दै गएको थियो । ओहायोमा बेचेको टिकटले २५२ मिलियनको ज्याकपट जितेदेखि कसैले पनि सबै छवटा नम्बर मिलाएका थिएनन् ।
अहिलेसम्म सबैभन्दा ठूलो पावरबल सन् २०२२ नोभेम्बर ७ मा २ दशमलव शुन्य ४ बिलियनको ज्याकपट क्यालिफोर्नियाका व्यक्तिले जितेका थिए भने दोश्रो ठूलो पावरबल सन् २०१६ को जनवरी १३ मा १ दशमलव ५ बिलियन डलरको ज्याकपट क्यालिफोर्निया, फ्लोरिडा र टेनेसीका व्यक्तिले जितेका थिए ।
पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ । पावरबल लोटरी सोमबार, बुधबार र शनिबार न्युयोर्क समय अनुशार राती १० बजेर ५९ मिनेट जाँदा खोलिन्छ । यो टिकटको मूल्य २ डलर रहेको छ । खेल्ने व्यक्तिले १ देखि १ देखि ६९ सम्मका ५ वटा नम्बर र १ देखि २६ सम्मको एउटा नम्बर छनौट गर्नुपर्छ ।
त्यस्तै शुक्रबार खोलिने मेगा मिलियन्स पनि ७२० मिलियन डलर पुगेको छ । मेगा मिलियन चिठ्ठा अमेरिकाका ४४ वटा राज्यहरुमा खेल्न सकिन्छ । साथै वासिंटन डिसी र युएस भर्जिन आइल्याण्डमा पनि खेल्न सकिन्छ । मेगा मिलियन हरेक मंगलबार र शुक्रबार न्युयोर्क समय अनुशार राती ११ बजे खोलिन्छ । यो टिकटको मूल्य २ डलर रहेको छ । खेल्ने व्यक्तिले १ देखि ७० भित्रका ५ वटा नम्बर र १ देखि २५ भित्रको एउटा नम्बर छनौट गर्नुपर्छ ।
